E enjte, 31 mars 2011
TAKIMI I KRYETARIT VELJANOSKI ME NDIHMËSIN E SEKRETARIT TË PËRGJITHSHËM TË NATO-S PËR MARRËDHËNIE POLITIKE DHE POLITIKË TË SIGURISË, Z. DIRK BRENGELMAN
Në takim, Kryetari Veljanoski theksoi se siguria e një shteti, rajoni, por edhe më gjerë, nuk mund të bazohet vetëm mbi armët, armatën dhe policinë, por para së gjithash në ndërtimin e gjendjeve stabile politike dhe ekonomike. Pikërisht në këtë drejtim është edhe puna e Kuvendit të Republikës së Maqedonisë, si në procesin e miratimit të ligjeve, ashtu edhe në realizimin e rolit mbikëqyrës të Parlamentit mbi pushtetin ekzekutiv. Fakti që Raporti për progresin e Republikës së Maqedonisë nga Komisioni Evropian jep vlerësim pozitiv edhe për Parlamentin edhe për shtetin, dhe që Raporti përmban rekomandim për fillimin e bisedimeve për anëtarësim, tregon se jemi në rrugën e drejtë dhe se punojmë mirë në realizimin e agjendës euroatlantike.