ЕУ вести

Среда, 24 февруари 2016 година

Пленарна седница на Европскиот парламент

Европскиот парламент, денеска и утре во Брисел одржува пленарна седница, на која ќе се одржи дебата заедно со претседателот на Европскиот совет, г. Доналд Туск и претседателот на Европската комисија, г. Жан-Клод Јункер, за договорот за реформи помеѓу Европската унија и Велика Британија, а во врска со референдумот за членство или излез од ЕУ. 

повеќе...

Понеделник, 1 февруари 2016 година

Пленарна седница на Европарламентот

Европскиот парламент од 1 до 4 февруари одржува пленарна седница во Стразбур, во чиј фокус ќе биде дебатата за бегалската криза, граничните проверки и иднината на Шенген.

повеќе...

Среда, 27 јануари 2016 година

Меѓународен ден на сеќавање на Холокаустот

По повод денешниот Меѓународен ден на сеќавање на Холокаустот, своја изјава даде претседателот на Европската комисија, г. Жан-Клод Јункер, во која, меѓудругото, истакнува дека Еврокомисијата прави сè што е во нејзина моќ во борбата против антисемитизмот.

Првиот човек на Еврокомисијата го повтори заветот на генерацијата која го обнови Стариот континент врз урнатините на Втората светска војна и пепелта на Холокаустот - „Никогаш повеќе!“.  

повеќе...

Понеделник, 18 јануари 2016 година

Пленарна седница на Европарламентот

Европскиот парламент, од 18 до 21 јануари, одржува пленарна седница во Стразбур, во рамките на која утре ќе се одржи дебата со претседателите на Европскиот совет и на Еврокомисијата, г. Доналд Туск и г. Жан-Клод Јункер, за исходот од декемврискиот самит на ЕУ лидерите во Брисел, во однос на миграцијата, тероризмот и британскиот референдум.

повеќе...

Четврток, 14 јануари 2016 година

Вроцлав и Сан Себастијан - европски градови на културата за 2016 година

Европски престолнини на културата е еден од најпрепознатливите проекти на ЕУ, со традиција уште од 1985 година на иницијатива на тогашниот грчки министер за култура, г-ѓа Мелина Меркури.

Овој проект е одлична можност за градовите да го променат својот имиџ и преку сопствениот културен развој, да привлечат повеќе туристи.

повеќе...

Четврток, 3 декември 2015 година

Покана до Црна Гора за членство во НАТО

Министрите за надворешни работи на НАТО вчера одлучија да ја поканат Црна Гора да ги започне преговорите за да стане 29. земја-членка на Северноатлантската алијанса. 

повеќе...

Вторник, 24 ноември 2015 година

„Лукс“ за филмот „Мустанг“

Годишната филмска награда „Лукс“ на Европскиот парламент ја доби филмот „Мустанг“ (Франција, Германија, Турција и Катар) на режисерката Дениз Гамзе Ергувен.

повеќе...

Понеделник, 23 ноември 2015 година

Пленарна седница на Европскиот парламент 

Европскиот парламент од 23 до 26 ноември ќе одржи пленарна седница во Стразбур, во чиј фокус ќе биде дебатата во среда за нападите во Париз и мерките за борба против тероризмот.

повеќе...

Понеделник, 16 ноември 2015 година

Петок 13-ти - Европски ден на жалост 

По повод петочните терористички напади во Париз, шефовите на држави и влади на Европската унија и нејзините институции, дадоа заедничка изјава, во која истакнаа дека тој срамен чин на тероризам што значи напад на цела Европа, ќе постигне спротивен ефект од својата цел, која требаше да донесе поделби, страв и сеење омраза. 

повеќе...

Вторник, 10 ноември 2015 година

Три филмови во конкуренција за наградата „Лукс“

Европските пратеници имаат можност да гласаат за најдобар европски филм, кој ќе ја освои наградата „Лукс“, избирајќи меѓу филмовите „Медитеран“, „Мустанг“ и „Лекција“.

Сите три филмови опфаќаат современи европски социјални прашања, како имиграцијата, улогата на локалните конзервативни традиции и економските проблеми во општеството.

повеќе...

  • 1
  • 2
  • 3
  • 4
  • ...
  • 10
  •