Понеделник, 20 декември 2010
Нова Стратегија за еднакви можности на жените и мажите 2010-2014
Европската комисија денес промовираше нова Стратегија за еднакви можности на жените и мажите, за периодот 2010-2014.
Стратегијата се базира на три главни принципи:
- привлекување, развој и одржување на балансирана работна сила,
- промовирање на пофлексибилна работна средина и
- обезбедување на сопственост на стратегијата на највисоко ниво.
Ќе се постават нови цели за бројот на жените на повисоките и средните менаџерски позиции. Еднаквите можности систематски треба да се интегрираат во човечките ресурси на секој генерален директорат на Европската комисија. Секој оддел на Европската комисија ќе треба да подготви план за постигнување на целите, а ќе следат и редовни ревизии преку Генералниот директорат за човечки ресурси.