Понеделник, 31 мај 2010 година

Советот на ЕУ ги усвои заклучоците за стратегиите за финансиски излез

Советот во декември 2009 година се согласи да се започне со подготовка на координирана и транспарентна стратегија за напуштање на праксата на различните шеми за помош во полза на финансиските институции.

Среда, 19 мај 2010 година

Конференција на високо ниво на тема: Европска унија по Лисабонскиот договор

Истакнати креатори на политики, академици и новинари, на 25 и 26 мај ќе се сретнат во Европскиот парламент во Брисел, со цел да го разгледаат влијанието на Лисабонскиот договор врз Европската унија

Вторник, 25 мај 2010 година

СТРЕМЕЖ НА ЕВРОПСКАТА УНИЈА ЗА КЛИМАТСКИ ПОДОБРУВАЊА

Европската комисија ќе презентира анализи за импликациите на зголемување на целите на ЕУ за намалување на емисиите на стакленички гас до 2020 година за 20% до 30% (споредено со нивото од 1990)

Вторник, 25 мај 2010 година

ДОНЕСЕНА РЕГУЛАТИВА ЗА ФИНАНСИСКА СТАБИЛИЗАЦИЈА НА ЕВРОПА

На 11 мај 2010 година во Службениот весник на Европската унија објавена е Регулативата бр. 407/2010 за воспоставување механизам за финансиска стабилизација на Европа.

Среда, 19 мај 2010 година, Совет за општи работи

Стратегијата на ЕУ 2020 - одраз на економскиот контекст

На 10 мај 2010 година беше одржан состанок на Советот за општи работи, како подготовка за состанокот на Европскиот совет на 17 јуни. По завршувањето на состанокот, министерот за надворешни работи на Кралството Шпанија, земја актуелен претседавач со ЕУ, Мигел Анхел Моратинос, одржа прес-конференција на која истакна дека земјите-членки на ЕУ се заинтересирани Стратегијата 2020 да го рефлектира новиот економски контекст, кој произлезе како резултат на мерките усвоени на средбите на Еврогрупата и Екофин.

Среда, 19 мај 2010 година

Дводневен состанок на Советот за конкурентност

Дводневниот состанок на Советот за конкурентност кој ќе се одржи на 25 и 26 мај ќе биде наменет на прашања кои се од  суштинско значење за развојот на идната ЕУ-стратегија за економски раст и работни места. Стратегијата позната како „Европа 2020" се очекува да биде усвоена од страна на Европскиот совет на 17 јуни.

Четврток, 13 мај 2010 година

Естонија ги исполни условите за воведување на заедничката европска валута

Европската комисија на 12 мај 2010 година објави дека ќе препорача на владите на земјите-членки на Европската унија, Естонија да се вклучи во еврозоната следната година во јануари, со што ќе биде 17-та земја-членка која ќе го воведе еврото.

Петок, 16 април 2010 година

Стратегија „Европа 2020“

Новата европска стратегија за одржлив раст и работни места, позната како „Европа 2020“, се појави во екот на најголемата економска криза во последните децении. Стратегијата, иновациите и зелениот раст ги поставува во средиштето на нацрт-планот за конкурентност и предлозите за зајакнување на мониторингот на националните програми за реформи.

Петок, 12 март 2010 година

Европската недела на е-вештини 2010

Почетокот на овој месец, од 1 до 5 март, беше обележан со настанот Европска недела на е-вештини 2010, кој се фокусираше на поголемата потреба од обучени корисници на информатичката и комуникациската технологија (ИКТ), како и професионалци од оваа област, со цел поконкурентна и поиновативна Европа

Понеделник, 15 март 2010 година

Советот на Европската унија усвои заклучоци за потребата од нова индустриска политика

На седницата одржана на 1 март 2010 година во Брисел, Советот за конкурентност потсети на Европскиот извештај за конкурентност за 2009, во кој е забележано дека 2008 и 2009 година се карактеризираа со појавата на сериозна рецесија и намалување на стапките на економската активност и вработеноста. 

Сабота, 17 април 2010 година

Кампања за подигнување на свеста за биодиверзитет

На почетокот на април, Европската комисија објави евробарометар испитување кое покажува дека многу Европејци не разбираат што значи поимот биодиверзитет. Според евробарометар испитувањето, околу 38% од граѓаните го разбираат значењето на терминот биодиверзитет, додека 28% слушнале за терминот, но не знаат што точно значи. Повеќето од граѓаните сметаат дека загубата на биодиверзитетот е сериозно прашање.

Понеделник, 29 март 2010, Брисел

Усвоени целите на стратегијата „Европа 2020“

Лидерите на ЕУ на состанокот во Брисел, одржан на 26 март 2010 година, постигнаа согласност за поголема соработка во економската политика - дел од стратегијата за поттикнување на поголем раст во текот на следната деценија. На состанокот, лидерите ги имаа првите официјални разговори за новата стратегија „Европа 2020“, која беше претставена од Европската комисија на 8 март оваа година

Четврток, 29 април 2010 година

Европската унија промовира поширока употреба на електронското фактурирање

Целта на Извештајот подготвен од експерти на Европската комисија е да се промовира поширока употреба на електронското фактурирање во Европа. Извештајот беше презентиран на Конференцијата за електронско фактурирање во Европа, што се одржа на 27 и 28 април во Мадрид, во рамките на Шпанското претседателство со Европската унија.

Среда, 21 април 2010 година

Програма за работа на Европската комисија за 2010 година

Европската комисија на 31 март ја усвои Програмата за работа за 2010 година со која се одразува определбата на Комисијата да ја води Европа надвор од економската криза и да испорача политика која ќе биде од директна корист за граѓаните. Комисијата усвои листа со 34 стратешки приоритети за имплементација до крајот на годината и постигната е согласност за други 280 позначајни предлози кои би се разгледувале дополнително

Среда, 7 април 2010 година

Ново лого за органски производи во Европската унија

Европската комисија го објави новото лого за органски производи во Службениот весник на ЕУ (Регулатива ЕК бр.271/2010 од 24 март 2010 година)