Среда, 3 февруари 2010 година
Учество на пратеникот Петар Поп Арсов на Конференција на претседателите на комисиите за европски прашања на државите-членки на Европската унија-КОСАК
Претседателот на Комисијата за европски прашања на Собранието на Република Македонија, г. Петар Поп Арсов од 4 до 6 февруари 2010 година, ќе учествува на Конференција на претседателите на комисиите за европски прашања на државите- членки на Европската унија-КОСАК, што ќе се одржи во Мадрид.
На Конференцијата министерот за надворешни работи г. Мигуел Анхел Моратинос ќе говори за приоритетите на шпанското претседавање со Европската унија, а свое обраќање во врска со економската криза во Унијата, ќе има и вториот заменик на премиерот и министер за финансии во Владата на Кралството Шпанија, г-ѓа Елена Салгадо Миндез.