Петок, 10 јули 2015 година
Пратеникот Ермира Мехмети на Конференција во Луксембург
Во рамките на Луксембуршкото претседателство со Европската унија, претседателот на Комисијата за европски прашања на Собранието на Република Македонија, г-ѓа Ермира Мехмети, ќе учествува на Конференција на Комисиите за европски прашања на земјите-членки на ЕУ - КОСАК, што ќе се оддржи во периодот 12-14 јули 2015 година во Кралството Луксембург.
На Конференцијата ќе се расправа за приоритетите на Луксембуршкото претседателство со Советот на Европската унија, за што ќе има обраќање премиерот на Кралството Луксембург, г. Хавиер Бетер.
Исто така, предвидено е да се одржи расправа и за можностите за унапредување на политичкиот дијалог со воведување на таканаречената „Зелена карта“.