Понеделник, 1 декември 2014 година
Учество на Конференција на комисиите за европски прашања на земјите-членки на ЕУ- КОСАК
Во рамките на италијанското претседателство со Европската унија, заменикот на претседателот на Комисијата за европски прашања, г-ѓа Нора Алити, ќе учествува на Конференцијата на комисиите за европски прашања на земјите членки на ЕУ- КОСАК, што ќе се оддржи на 1-3 декември 2014 година во Рим, Италија.
На Конференцијата ќе се расправа по повеќе актуелни теми, и тоа за улогата на италијанското претседателство со ЕУ, за што ќе има обраќање г. Матео Рензи, претседател на Италијанскиот совет на министри, потоа за Улогата на европските институции - 5 години по Лисабонскиот договор, како и за „Стратегијата Европа 2020: раст, вработување и конкурентност“.
Исто така, предвидено е да има расправа и за Евроинтегративните перспективи на тема : Глобалната улога на Европската унија и проекцијата на нејзините политики во Медитеранот и Источна Европа.