Понеделник, 10 ноември 2014 година
Учество на пратеникот Благоја Деспотоски на парламентарен семинар во Париз
Пратеникот Благоја Деспотоски, во својство на претседавач со Комисијата за труд и социјална политика, на 10 ноември во Париз, Франција ќе учествува на Парламентарен семинар насловен „Обезбедување на сигурни и здрави работни услови“.
Семинарот е во организација на Службата на Европската социјална повелба и Одделот за поддршка на Парламентарното собрание на Советот на Еропа. Семинарот ќе ги разгледува - од парламентарна перспектива - заклучоците од Европскиот комитет за социјални права во однос на усогласноста на националното законодавство и пракса со член 3 за правото на безбедни и здрави услови за работа на Европската социјална повелба.
Учесниците ќе ги споделат своите искуства во врска со предизвиците кои се однесуваат на безбедноста во национален контекст и ќе дискутираат за проблемите, можните решенија и примери на добра практика во оваа област.
На семинарот ќе се дискутира за начините за решавање на прашањата покренати во заклучоците на Европскиот комитет за социјални права и отстранување на пречките во национален контекст за да се прифатат одредбите од член 3.
Целта на семинарот е да се зајакне капацитетот на парламентарците за целосна имплементација на Повелбата и нејзиниот потенцијал, како и зголемување на нејзиното влијание во нивните земји.