E enjte, 5 nëntor 2015 

BLOGERI ARAP BADAVI I SHPËRBLYER PËR LIRINË E TË MENDUARIT 

Parlamenti Evropian çmimin e sivjetshëm "Saharov" për lirinë e mendimit ia ndau Raif Badavit, bloger dhe aktivist për të drejtat e njeriut nga Arabia Saudite, i cili u burgos në vitin 2012, e më vonë u dënua me 10 vite burg, 1000 goditje me kamxhik dhe dënim të lartë me para për ofendim të vlerave islame në faqen e tij të internetit "Liberalë të lirë sauditë", ku e promovon debatin social, politik dhe fetar. 

E mërkurë, 28 tetor 2015 

BE FUT NDALIM TË ROAMINGUT 

Ndalim i plotë i roamingut kompensim për thirrje, dërgim të porosive tekstuale dhe shfrytëzim të internetit në celular jashtë vendit në vendet e BE-së, do të hyjë në fuqi më 15 qershor 2017 - u vendos në seancën plenare të Parlamentit Evropian në Strasburg.  Gjithashtu, u miratua edhe propozimi për rregullat e qarta për të drejtën e qasjes në internet në BE. 

E hënë, 26 tetor 2015 

EUROPARLAMENTI ME SEANCË NË STRASBURG

Nga 26 deri në 29 tetor, Parlamenti evropian mban seancë plenare në Strasburg, në të cilën, mes tjerash, do të mbahet debat me kryetarin e Këshillit Evropian, z. Donalld Tusk dhe kryetarin e Komisionit Evropian, z. Zhan-Kllod Junker, në lidhje me valën e refugjatëve nga ruta e Ballkanit Perëndimor, bashkëpunimin me Turqinë dhe bisedimet me vendet e Afrikës. 

E mërkurë, 14 tetor 2015 

SEANCA PLENARE E EUROPARLAMENTIT 

Parlamenti Evropian në Bruksel sot mban seancë plenare, në vigjilje të samitit të BE-së në nivel të shefave të shteteve dhe qeverive, i cili do të realizohet në dy ditët e ardhshme. 

E enjte, 8 tetor 2015 

SEANCA PLENARE E EUROPARLAMENTIT 

Nga fillimi i kësaj jave, Parlamenti Evropian mban seancë plenare në Strasburg, në kuadër të së cilës u zhvillua debat ndërmjet liderëve të grupeve politike dhe kryetarit të Republikës së Francës, z. Fransoa Oland dhe kancelari i Republikës së Gjermanisë, z.  Angela Merkel, e në lidhje me zgjidhjen e përbashkët të sfidave aktuale me të cilat ballafaqohet BE-ja. 

E enjte, 1 shtator 2015

NOMINIME PËR ÇMIMIN "SAHAROV" PËR LIRINË E MENDIMIT 

Në mbledhjen e përbashkët të ministrave për punë të jashtme të BE-së, Komiteti për Zhvillim dhe Nënkomiteti për të Drejtat e Njeriut, zyrtarisht i prezantuan të nominuarit për çmimin "Saharov" për lirinë e mendimit, të cilin e ndan Parlamenti Evropian. 

E mërkurë, 9 shtator 2015 

Kriza e refugjatëve në fokusin e Parlamentit Evropian 

„Prioriteti i parë sot është ballafaqimi me krizën e refugjatëve", theksoi kryetari i Komisionit Evropian, z. Zhan-Kllod Junker, gjatë debatit në seancën plenare në Parlamentin Evropian, që mbahet nga 7 deri 10 shtator në Strasburg. 

"Kjo është çështje e njerëzisë dhe dinjitetit njerëzor dhe për Evropën çështje e drejtësisë historike. Ne luftojmë kundër shtetit islamik, pse atëherë nuk jemi të përgatitur t'i pranojmë ato njerëz që ikin nga ai konflikt?", shtoi njeriu i parë i Eurokomisionit në vazhdimin e fjalimit të tij në shtëpinë e demokracisë evropiane. 

E premte, 3 korrik 2015

SEANCA PLENARE E PARLAMENTIT EVROPIAN 

Nga 6 deri 9 korrik në Strasburg, Parlamenti Evropian do të mbajë seancë plenare, në fokus të të cilit do të jenë ballafaqimi me migruesit, kriza debitore dhe fillimi i kryesimit të Luksemburgut me Këshillin e Bashkimit Evropian. 

E mërkurë, 1 korrik 2015 

LUKSEMBURGU E MORRI KRYESIMIN ME KËSHILLIN E BE

Sot Letonia ia dorëzoi Luksemburgut kryesimin me Këshillin e BE-së. 

Ky vend i vogël vjen në këtë funksion në kohën kur Evropa ballafaqohet me shumë çështje të rëndësishme, si kriza debitore greke, kërcënimi i Mbretërisë së Bashkuar për braktisjen e BE-së, rritja e migrimit ilegal dhe përgatitja për konferencën për ndryshimet klimatike, që do të mbahet në dhjetor në Paris. 

E hënë, 22 qershor 2015 

Maqedonia temë e Këshillit për Punë të Jashtme të BE-së 

Gjendja politike aktuale në Republikën e Maqedonisë është në fokusin e bisedimeve të Këshillit të sotëm për punë të jashtme të Bashkimit Evropian në Luksemburg.