Вторник, 24 април 2018 година

Комисијата за економски прашања на состанок посветен на енергијата добиена од обновливи извори

Делегација на Собранието на Република Македонија во состав: г. Горан Милевски, претседател; г. Агим Шаќири, заменик-претседател и г. Хари Локвенец, член на Комисијата за економски прашања учествува на состанок посветен на енергијата добиена од обновливи извори во организација на Енергетската заедница, кој се одржува на 24 април 2018 година (денеска) во седиштето на Европскиот парламент, во Брисел, Кралството Белгија.

Понеделник, 23 април 2018 година

Пратеникот Китев на Пролетната сесија на ПССЕ

Пролетната сесија на Парламентарното собрание на Советот на Европа се одржува од 23 до 27 април 2018 година во Стразбур, Француската Република, на која учествува г. Бетиан Китев, шеф на Делегацијата на Собранието на Република Македонија во ПС на СЕ. 

Петок, 20 април 2018 година 

Собраниска делегација на студиска посета на Државниот завод за ревизија и Парламентот на Република Хрватска

Претседателката на Комисијата за финансирање и буџет, г-ѓа Лилјана Кузмановска и  членовите на Комисијата: г. Реџаиљ Исмаили и г. Диме Велковски, од 23 до 26 април 2018 година, ќе присуствуваат на студиска посета во Загреб, Република Хрватска. 

Среда, 18 април 2018 година

Комисијата за европски прашања во официјална посета на Софија

На покана на претседателот на Комисијата за европски прашања и контрола на европските фондови во Народното собрание на Република Бугарија, г. Кристијан Вигенин, делегација од Комисијата за европски прашања на Собранието на Република Македонија, предводена од г. Артан Груби, претседател на Комисијата за европски прашања и членовите ќе престојуваат во официјална посета на Софија, од 18 до 19 април 2018 година. 

Среда, 11 април 2018 година

Собраниска делегација на Интерпарламентарна конференција во Белград

Во рамките на Интерпарламентарната конференција, во организација на Европскиот парламент и во соработка со Народното Собрание на Република Србија, на 13 април 2018 година во Белград, ќе се одржи семинар на тема: "Инструмент за пред-пристапна помош во руралниот развој: Научени лекции и идни перспективи". 

Четврток, 5 април 2018 година

Јавна расправа по Предлог на законот за изменување и дополнување на Законот за аудио и аудио визуелни медиумски услуги

Комисијата за транспорт, врски и екологија на 16. седница, ќе одржи Јавна расправа по Предлогот на законот за изменување и дополнување на Законот за аудио и аудио визуелни медиумски услуги.

Јавната расправа ќе се одржи на 12 април (четврток) 2018 година, со почеток од 11.00 часот, во Сала на Уставна комисија во зградата на Собранието на Република Македонија.

Понеделник, 2 април 2018 година

Јавна расправа по Предлог-законот за високото образование

Комисијата за образование, наука и спорт на 5 април  (четврток) 2018 година, со почеток од 11.00 часот, во сала ,,Борис Трајковски“, ќе одржи Јавна расправа по Предлог-законот за високото образование.

Петок, 23 март 2018 година

Собраниска делегација во Женева

Делегација на Собранието на Република Македонија ќе учествува на 138. Собрание на Интерпарламентарната унија (ИПУ), што ќе се одржи од 24 до 28 март 2018 година во Женева, Швајцарска конфедерација. Делегацијата ја сочинуваат: м-р Талат Џафери, претседател на Собранието на Република Македонија и шеф на Делегацијата, г. Томислав Тунтев, г. Јован Митрески, г. Димитар Стевананџија, г. Реџаиљ Исмаили, г. Африм Гаши и г-ѓа Јулиана Николова, членови на Делегацијата и г-ѓа Цветанка Иванова, генералнa секретарка на Собранието на Република Македонија. 

Понеделник, 19 март 2018 година

Собраниска делегација во официјална посета на Република Бугарија

На покана на претседателот на Групата за пријателство Бугарија-Македонија во Народното собрание на Република Бугарија, г. Борис Ванѓелов, Делегација од Пратеничката група на Собранието на Република Македонија за соработка со Парламентот на Република Бугарија, предводена од г-ѓата Фросина Ташевска-Ременски, потпретседател на Собранието на Република Македонија и член на Групата, ќе престојува во официјална посета на Софија, од 20 до 22 март 2018 година. Во Делегацијата учествуваат и г. Горан Мисовски, потпретседател на Собранието на Република Македонија и член на Групата, како и пратениците г. Илија Николовски, г. Реџаиљ Исмаили и г. Реџеп Мемеди, членови на Групата.

Петок, 16 март 2018 година

Пратеникот Локвенец  во Блед

Пратеникот г. Хари Локвенец  ќе учествува на седницата на Постојаниот комитет на Парламентарното собрание на Процесот за соработка во Југоисточна Европа (ПС на ПСЈИЕ), што се одржува на 16 и 17 март 2018 година во Блед, Република Словенија, во рамките на Словенечкото претседателство со ПСЈИЕ.