Понеделник, 4 јуни 2018 година

Работна средба на Комисијата за финансирање и буџет 

Претседателката на Комисијата за финансирање и буџет на Собранието на Република Македонија, г-ѓа Лилјана Кузмановска и членовите г. Панче Иванов и г. Реџаиљ Исмаили, одржаа средба со г. Метин Хакверди, пратеник и член на Комисијата за финансии, буџетирање и Европската Унија во Бундестагот на Република Германија. Средбата беше остварена на барање на Фондацијата Фридрих Еберт.  

Вторник, 22 мај 2018 година

Средба на координаторот на ПГ на СДСМ и Коалицијата, г. Томислав Тунтев со францускиот амбасадор,  г. Кристијан Тимоние

Координаторот на пратеничката група на СДСМ и Коалицијата, г. Томислав Тунтев денеска имаше средба со амбасадорот на Француската Република во Македонија, Н.Е. Кристијан Тимоние. Централна тема на состанокот беше дијалогот „Жан Моне“, што на крајот на минатата недела се одржа во Охрид и унапредувањето на дијалогот меѓу парламентарните партии, во насока на градење на меѓусебна доверба во интерес на ефикасна работа на Собранието на Република Македонија, како и на нејзините граѓани.

Петок, 11 мај 2018 година

Работна посета на пратеникот Рамчиловиќ на Косовскиот парламент

Пратеникот Зеќир Рамчиловиќ вчера оствари работна посета на Парламентот на Република Косово, на покана на претседателката на Комисијата за човекови права и полова рамноправност, г-ѓа Дуда Баље.

Петок, 11 мај 2018 година

Средба на пратеникот Петар Атанасов со г. Емануел Рембер

Претседателот на Комисијата за образование, наука и спорт на Собранието на Република Македонија, г. Петар Атанасов, оствари средба со директорот на Францускиот институт во Скопје, г. Емануел Рембер. 

На средбата главна тема на разговор беа реформите во образованието и законските промени, со што македонскиот образовен систем ќе се приближи кон европските модели и стандарди. 

Петок, 4 мај 2018 година

Средба на пратеникот Китев со италијанскиот амбасадор Ромео

Пратеникот Бетиане Китев, претседател на Пратеничката група на Собранието на Република Македонија за соработка со Парламентот на Италија, оствари средба со Н.Е. Карло Ромео, амбасадор на Италија во Република Македонија. 

Среда, 2 мај 2018 година

Средба на пратеникот Тунтев со јапонската амбасадорка Кеико Ханеда                                         

Денешната средба на претседателот на Парламентарната група за соработка со Парламентот на Кралството Јапонија, г. Томислав Тунтев со јапонската амбасадорка, Н.Е Кеико Ханеда, помина во пријателска и конструктивна атмосфера, каде што беа разменети повеќе информации за досегашната соработка меѓу двете земји, како на политички, така и на економски план. 

Понеделник, 30 април 2018 година

Средба на пратеникот Рамчиловиќ со г. Изетбеговиќ

Претседателот на Пратеничката група на соработка на Република Македонија за соработка со Парламентот на Босна и Херцеговина, г. Зеќир Рамчиловиќ, оствари средба со претседателот на Претседателството на Босна и Херцеговина, г. Бакир Изетбеговиќ.

Петок, 27 април 2018 година

Средба на пратеникот Груби со г. Џузепе Бучино

Претседателот на Комисијата за европски прашаеа на Собранието на Република Македонија, г. Артан Груби, денеска го прими директорот за ЕУ и билатерални односи со земјите од Западен Балкан во Италијанското министерство за надворешни работи, г. Џузепе Бучино, кој престојува во Република Македонија.

Понеделник, 16 април 2018 година

Консултативна средба за развивање на Национален индекс за родова еднаквост

Претседателката на Комисијата за еднакви можности на жените и мажите, г-ѓа Даниела Рангелова, координаторката на Клубот на пратенички, г-ѓа Ѓулумсер Касапи и заменк членот на Комисијата за еднакви можности на жените и мажите, г-ѓа Лилјана Кузмановска, денес одржаа консултативна средба за развивање на Национален индекс за родова еднаквост со г-ѓа Виргинија Лангбак, директорка на Европскиот институт за родова еднаквост.

Понеделник, 12 март 2018 година 

Пратеникот Груби се сретна со италијанскиот амбасадор Ромео

Денеска претседателот на Комисијата за европски прашања на Собранието на Република Македонија, г. Артан Груби, оствари средба со амбасадорот на Република Италија во Република Македонија, Н.Е. Карло Ромео.