E mërkurë, 29 gusht 2012
MBLEDHJA E TRIDHJETEPESTË E KOMISIONIT PËR TRANSPORT, LIDHJE DHE EKOLOGJI
Komisioni për Transport, Lidhje dhe Ekologji i Kuvendit të Republikës së Maqedonisë, në Mbledhjen e Tridhjetepestë, të mbajtur më 23 gusht 2012, si trup punues amë, e shqyrtoi:
- Ndryshimin dhe plotësimin e Programit Vjetor për punën e Agjencisë për Komunikime Elektronike për vitin 2012.
Në mbledhjen e Komisionit, në cilësinë e përfaqësuesit të Agjencisë për Komunikime Elektronike, ishte i pranishëm z. Robert Ordanovski, drejtor i Agjencisë dhe z-nj. Gordana Klinçarova, kryetare e Komisionit për Komunikime Elektronike.
Në arsyetimin e Programit për punën e Agjencisë për Komunikime Elektronike, drejtori i Agjencisë theksoi se aktivitetet e Agjencisë për Komunikime Elektronike dalin nga kompetencat e saj të përcaktuara në Ligjin për komunikime elektronike dhe dispozitat e miratuara në bazë të tij.
Me diskutimin e vet u paraqit deputeti Jani Makraduli.
Në fund të diskutimit, Komisioni me 6 vota "për" dhe 5 vota "kundër" e miratoi Konkluzionin si vijon:
- Kuvendi i Republikës së Maqedonisë e shqyrtoi dhe e miratoi Ndryshimin dhe plotësimin e Programit Vjetor për punën e Agjencisë për Komunikime Elektronike për vitin 2012;
- Ky konkluzion të dërgohet në Agjencinë për Komunikime Elektronike dhe në Qeverinë e Republikës së Maqedonisë.