E martë, 29 janar 2013
MBLEDHJA E TRIDHJETETRETË E KOMISIONIT PËR PUNË DHE POLITIKË SOCIALE
Komisioni për Punë dhe Politikë Sociale i Kuvendit të Republikës së Maqedonisë, në mbledhjen e sotme të tridhjetetretë, si trup punues amë, në lexim të dytë shqyrtoi:
- Propozim-ligj për ndryshimin e Ligjit për organizata invalidore;
- Propozim-ligj për ndryshimin dhe plotësimin e Ligjit për siguri dhe shëndet gjatë punës;
- Propozim-ligj për mbrojtjen e fëmijëve.
- Kryesuesi i Komisionit për Punë dhe Politikë Sociale, z.Mile Paçemski, konstatoi se në afatin e paraparë ligjor për Propozim-ligjin për ndryshimin e Ligjit për organizata invalidore nuk janë parashtruar amendamente nga propozues të autorizuar.
Nuk u zhvillua debat për ligjin e propozuar, dhe këtë propozim-ligj komisioni e përcolli në procedurë të mëtutjeshme në Kuvendin.
- Për Propozim-ligjin për ndryshimin dhe plotësimin e Ligjit për siguri dhe shëndet gjatë punës u parashtruan gjithsej tre amendamente nga deputetët: Gazmend Aliji dhe Bekim Fazliu, të cilat me 1 votë "pro" dhe 7 vota "kundër" nuk u miratuan.
Në debatin për amendamentet mori pjesë: deputeti Gazmend Aliji dhe ministri i Punës dhe Politikës Sociale, z.Spiro Ristovski.
Pas përfundimit të debatit për amendamentet, Komisioni këtë Propozim-ligj e përcolli në procedurë të mëtutjeshme në Kuvendin.
- Lidhur me Propozim-ligjin për mbrojtjen e fëmijëve, kryesuesi Paçemski konstatoi se në afatin e paraparë ligjor janë parashtruar gjithsej katër amendamente nga deputetët Suzana Saliu dhe Vele Gjorgjievski.
Të gjithë katër amendamentet u tërhoqën nga propozuesit e autorizuar. Komisioni Propozim-ligjin për mbrojtjen e fëmijëve e përcolli në procedurë të mëtutjeshme në Kuvendin.