E enjte, 18 janar 2016
Autizmi nuk është enigmë ose sëmundje, por vetëm mënyrë e ekzistimit
Grupi parlamentar ndërpartiak për të drejtat e personave me aftësi të veçanta (GPNP) mbajti takim pune me temë: "Autizmi nuk është enigmë ose sëmundje, por vetëm mënyrë e ekzistimit", me qëllim lëvizjen dhe përmbushjen e nevojave dhe çështjeve që i prekin njerëzit me aftësi të veçanta.
Fjalim mbajti: zonja e parë e Republikës së Maqedonisë, znj. Maja Ivanova; deputetët dhe anëtarët e GPNP-së: z. Sasho Vasilevski, znj. Roza Topuzova-Karevska, znj. Jagoda Shahpaska, znj. Mirsada Emini-Asani dhe znj. Liljana Popovska; z. Zoran Giev nga Shoqata e qytetarëve për trajtim të personave me autizëm, ADHD dhe sindroma e aspergerit "Bota ime" dhe baba i fëmijës me autizëm; z. Goran Petrushev, kryetar i Lidhjes së defektologëve në Republikën e Maqedonisë; dekani i Fakultetit filozofik, prof. dr. Goran Ajdinski; prodekan i Fakultetit të mjekësisë, prof. dr. Daniella Milladinova; dr. Aspazia Sofijanova, drejtor i Klinikës për sëmundje të fëmijëve dhe Elena Koçovska nga Lëvizja kundër handikapit "POLIO PLUS", si themelues i idesë për formimin e GPNP-së.
Kryesuesi i GPNP-së, z. Sasho Vasilevski theksoi se si deri më tani, edhe më tutje do të mbahen takime, mbledhje, punëtori, konferenca, prezantime, në të cilat dalin propozime që duhet të realizohen propozime të cilat duhet të realizohen në dobi të personave me handikap.
Bashkëshortja e presidentit të Republikës së Maqedonisë, znj. Maja Ivanova, si aktivist shumëvjeçar në këtë sferë, theksoi se autizmi është problem aktual me tendencë rritëse, jo vetëm në nivel botëror, por edhe në Republikën e Maqedonisë dhe se me qëllim të sigurimit të jetës më të mirë dhe më cilësore të fëmijëve me autizëm, nevojitet aksion i përbashkët, i integruar dhe mirë i koordinuar ndërmjet të gjitha institucioneve të prekur. Duke potencuar se të dhënat janë brengosëse për fëmijët e diagnostifikuar me autizëm, si dhe informimin e pamjaftueshëm të opinionit, ajo theksoi nevojën për ngritjen e mëtutjeshme të vetëdijes publike për autizëm.
Diskutuesit, në bazë të përvojave dhe aktiviteteve të tyre, problemet me të cilat ballafaqohen çdo ditë, theksuan ide, propozim-masa, iniciative dhe sugjerime, të cilat edhe përmes miratimit të ligjeve ose përmirësimit të ligjeve ekzistuese, do ta përmirësojnë jetën e fëmijëve me autizëm, prindërve të tyre dhe shoqërisë në përgjithësi.
Ato ishin të njëzëshëm se prioritetet kryesore është hapja e qendrës për autizëm dhe theksuan se diagnostika e hershme dhe ndërhyrja e hershme janë vendimtare për zhvillimin e mëtutjeshëm të fëmijëve me autizëm, gjithashtu si dhe terapia dhe trajtimi adekuat me persona profesionalë. Si problem shumë i rëndësishëm i cili duhet të zgjidhet urgjentisht është mënyra e arsimit të fëmijëve me autizëm. U theksua edhe nevoja për ekipe profesionale në kopshte dhe shkolla, hapja e qendrave ditore të pajisura mirë dhe këshillimoreve zhvillimore, më shumë trajnime për punë me terapi, që të analizohet mundësia për krijim të Strategjisë nacionale për autizëm dhe të formohet Regjistër i personave me autizëm në RM.
Në fjalimin frymëzues dhe të spikatur, Elena Koçovska nga "Polio Plus", e potencoi principin "Asgjë për ne pa ne", duke u dhënë porosi kryesore personave me handikap - "Pa dallim se çfarë jemi, kemi të drejtë si ju". Në udhëtimin e përbashkët, ajo kërkoi respekt reciprok, të punojmë dhe të mësojmë bashkë, sepse vetëm në këtë mënyrë mund të ecim para.