E mërkurë, 30 shtator 2015
DEBAT PUBLIK ME TEMË: RAPPORT VJETOR PËR IMPLEMENTIMIN E STRATEGJISË PËR BARAZI GJINORE PËR VITIN 2014
Komisioni për Mundësi të Barabarta të Femrave dhe Meshkujve i Kuvendit të Republikës së Maqedonisë dje mbajti debat publik me temë: "Raporti vjetor për implementimin e Strategjisë për barazi gjinore për vitin 2014."
Debatin publik me fjalim jubilar e hapi kryetarja e Komisionit, znj. Daniella Rangellova.
Fjalime lidhur me temën mbajtën: Ibrahim Ibrahimi, zëvendësministër i Punës dhe Politikës Sociale i Republikës së Maqedonisë, Dominika Stojanovska, udhëheqëse e zyrës së Un Women në Shkup, Nermina Fakoviq, koordinatore për mundësi të barabarta në Ministrinë e Shëndetësisë e Republikës së Maqedonisë, Suzana Arsova Kostadinova, zëvendës udhëheqëse e Sektorit për mbështetje dhe zhvillim të sipërmarrësisë në Ministrinë e Ekonomisë e Republikës së Maqedonisë dhe Nadezhda Uzellac, përfaqësuese e Ministrisë së Arsimit dhe Shkencës.
Përveç anëtarëve dhe zëvendësanëtarëve të Komisionit në diskutimin u inkuadruan edhe përfaqësues të institucioneve si dhe përfaqësues të sektorit të OJQ-së nga kjo sferë.
Pas përfundimit të diskutimit u miratuan konkluzionet në vijim:
1. Komisioni për Mundësi të Barabarta të Femrave dhe Meshkujve e pranon Raportin vjetor për implementimin e Strategjisë për barazi gjinore për vitin 2014 me sugjerim që të dorëzohet deri në fillim të qershorit;
2. Komisioni për Mundësi të Barabarta të Femrave dhe Meshkujve i jep vërejtjet dhe sugjerimet vijuese në lidhje me implementimin e Strategjisë për barazi gjinore:
- të vazhdojë lufta e gjithë shoqërisë me stereotipat dhe paragjykimet;
- të vazhdojnë aktivitetet për rritje të mëtutjeshme të pjesëmarrjes së femrave në politikë;
- të rriten mjetet e dedikuara për forcimin ekonomik të femrave;
- të rriten mjetet për fushatë informative në luftë kundër dhunës familjare;
- të rriten mjetet në buxhetin që janë dedikuar për realizimin e Strategjisë për barazi gjinore;
- të shqyrtohet mundësia për t'u aktivizuar studimet gjinore.