E premte, 24 tetor 2014
Mbledhja e dhjetë e Komisionit për Transport, Lidhje dhe Ekologji
Komisioni për Transport, Lidhje dhe Ekologji i Kuvendit të Republikës së Maqedonisë, në mbledhjen e 10-të të mbajtur më 22 tetor 2014, si trup punues amë në lexim të parë shqyrtoi:
- Propozim-ligj për ndryshimin dhe plotësimin e Ligjit për lundrim të brendshëm;
- Propozim-ligj për ndryshimin dhe plotësimin e Ligjit për rrugë publike;
- Propozim-ligj për ndryshimin dhe plotësimin e Ligjit për transport në komunikacionin rrugor;
- Propozim-ligj për ndryshimin dhe plotësimin e Ligjit për transport të materieve të rrezikshme në komunikacionin rrugor dhe hekurudhor;
- Propozim-ligj për ndryshimin dhe plotësimin e Ligjit për siguri në sistemin hekurudhor.
Në mbledhjen e Komisionit, në cilësi të përfaqësuesit të Qeverisë së Republikës së Maqedonisë, ishte i pranishëm zëvendësministri i Transportit dhe Lidhjeve, z. Nimetulla Halimi.
Në arsyetimin për Propozim-ligjet përfaqësuesi i Qeverisë e theksoi nevojën për miratimin e ligjeve, qëllimet që do të arrihen dhe zgjidhjet themelore që rregullohen me ligjet.
Në diskutimin për Propozim-ligjet morën pjesë deputetët: Stojan Millanov, Ramis Merko, Rexhail Ismaili, Ejup Rustemi, Dragan Danev, Liljana Zaturovska dhe Sllave Goshev.
Në fund të debatit, Komisioni konstatoi njëzëri se Propozim-ligjet e lartpërmendur janë të pranueshëm dhe se duhet të jepen në lexim të mëtutjeshëm.