E premte, 4 dhjetor 2015
MBLEDHJA E DYZETEKATËRTË E KOMISIONIT PËR TRANSPORT, LIDHJE DHE EKOLOGJI
Komisioni për Transport, Lidhje dhe Ekologji i Kuvendit të Republikës së Maqedonisë, në mbledhjen e djeshme të 47-të, si trup punues amë me procedurë të shkurtuar shqyrtoi:
- Propozim-ligj për ndryshimin dhe plotësimin e Ligjit për veprim me objekte të ndërtuara pa leje;
- Propozim-ligj për ndryshimin dhe plotësimin e Ligjit për ndërtim;
Në mbledhjen e Komisionit në cilësi të përfaqësuesit të Qeverisë së Republikës së Maqedonisë ishte i pranishëm zëvendësministri i Transportit dhe Lidhjeve, z. Nimetulla Halimi.
Komisioni për Transport, Lidhje dhe Ekologji dhe Komisioni Juridik-Ligjvënës e shqyrtoi Propozim-ligjin për ndryshimin dhe plotësimin e Ligjit për veprim me objekte të ndërtuara pa leje dhe zhvilluan debat për amendamentet e parashtruara nga propozuesit e autorizuar.
Në Propozim-plotësimin e përpiluar të ligjit janë inkorporuar dy amendamente të miratuara nga komisionet.
Në lidhje me Propozim-ligjin për ndryshimin dhe plotësimin e Ligjit për ndërtim kryetari i Komisionit, z. Rexhail Ismaili i njoftoi deputetët se në afatin e përcaktuar me Rregulloren e Kuvendit, nuk janë parashtruar amendamente nga propozuesit e autorizuar.
Në diskutimin për Propozim-ligjin morën pjesë deputetët Tomisllav Tuntev.
Në fund të debatit, Komisioni Propozim-ligjin e përcolli në procedurë të mëtutjeshme në Kuvendin e RM-së.