E martë, 25 gusht 2015
MBLEDHJA E DYZETENJËTË E KOMISIONIT PËR TRANSPORT, LIDHJE DHE EKOLOGJI
Komisioni për Transport, Lidhje dhe Ekologji i Kuvendit të Republikës së Maqedonisë, në mbledhjen e 41-të, si trup punues amë, shqyrtoi:
- Propozim-ligj për ndryshimin dhe plotësimin e Ligjit për menaxhim me hedhurina - leximi I;
- Propozim-ligjin për ndryshimin dhe plotësimin e Ligjit për marrëveshjet për transport në komunikacionin rrugor - leximi II.
Në mbledhjen e Komisionit në cilësi të përfaqësuesit të Qeverisë së Republikës së Maqedonisë, ishte i pranishëm zëvendësministri i Mjedisit Jetësor dhe Planifikimit Hapësinor, z. Stevo Temelkovski dhe zëvendësministri i Transportit dhe Lidhjeve, z. Nimetulla Halimi.
Z. Temelkovski në arsyetimin për Propozim-ligjin për ndryshimin dhe plotësimin e Ligjit për menaxhim me hedhurina, e theksoi nevojën për miratimin e ligjit, qëllimet që do të arrihen dhe zgjidhjet themelore që rregullohen me ligjin.
Në diskutimin për Propozim-ligjin morën pjesë deputetët: znj. Liljana Zaturoska dhe z. Ramiz Merko, si dhe zëvendësministri Temelkovski.
Në fund të debatit, Komisioni njëzëri konstatoi se ky Propozim-ligj është i pranueshëm dhe se duhet të jepet në lexim të mëtutjeshëm.
Në lidhje me Propozim-ligjin për ndryshimin dhe plotësimin e Ligjit për marrëveshjet për transport në komunikacionin rrugor, zëvendëskryetari i Komisionit, z. Ramiz Merko, i njoftoi deputetët se në afatin e përcaktuar me rregulloren e Kuvendit të Republikës së Maqedonisë, nuk janë parashtruar amendamente nga ane e propozuesve të autorizuar.
Komisioni për Transport, Lidhje dhe Ekologji e përcolli këtë Propozim-ligj në procedurë të mëtutjeshme në Kuvend.