E mërkurë, 28 janar 2015
Mbledhja e katërmbëdhjetë e Komisionit për Bujqësi, Pylltari dhe Ekonomi të Ujërave
Komisioni për Bujqësi, Pylltari dhe Ekonomi të Ujërave i Kuvendit të Republikës së Maqedonisë, në mbledhjen e 14-të të mbajtur më 26 janar 2015, si trup punues amë shqyrtoi:
- Propozim-ligj për ndryshimin dhe plotësimin e Ligjit për bujqësi dhe zhvillim rural (leximi i dytë);
- Informatë nga Ministria e Bujqësisë, Pylltarisë dhe Ekonomisë së Ujërave në lidhje me gjendjen aktuale me vërshimet në Republikën e Maqedonisë, të cilën e arsyetoi zëvendësministri i Bujqësisë, Pylltarisë dhe Ekonomisë së Ujërave.
Në mbledhjen Komisioni e shqyrtoi Informatën nga Ministria e Bujqësisë, Pylltarisë dhe Ekonomisë së Ujërave në lidhje me gjendjen aktuale me vërshimet në Republikën e Maqedonisë, të cilën e arsyetoi zëvendësministri i Bujqësisë, Pylltarisë dhe Ekonomisë së Ujërave.
Ndërsa për Propozim-ligjin për ndryshimin dhe plotësimin e Ligjit për bujqësi dhe zhvillim rural Komisioni zhvilloi debat për katër amendamente të parashtruara nga propozues të autorizuar.
Në fund të debatit, Komisioni përpiloi Propozim-ligj të plotësuar për ndryshimin dhe plotësimin e Ligjit për bujqësi dhe zhvillim rural në të cilin janë inkorporuar amendamente të miratuara nga Komisioni për Bujqësi, Pylltari dhe Ekonomi të Ujërave dhe nga Komisioni Juridik-Ligjvënës.