E premte, 12 dhjetor 2014
Mbledhja e pesëmbëdhjetë e Komisionit për Transport, Lidhje dhe Ekologji
Komisioni për Transport, Lidhje dhe Ekologji i Kuvendit te Republikës së Maqedonisë, në mbledhjen e 15-të, si trup punues amë në lexim të parë, shqyrtoi:
- Propozim-ligj për ndryshimin dhe plotësimin e Ligjit për veprim me objekte të ndërtuara pa leje - leximi I;
- Propozim-ligj për ndryshimin dhe plotësimin e Ligjit për shërbime postare - leximi II;
- Propozim-ligj për ndryshimin dhe plotësimin e Ligjit për ndërtim - leximi II;
- Propozim-ligj për ndryshimin dhe plotësimin e Ligjit për banim - leximi I;
- Propozim-ligj për planifikim hapësinor dhe urbanistik - leximi I.
Në lidhje me Propozim-ligjin për ndryshimin dhe plotësimin e Ligjit për shërbime postare, kryetari i Komisionit për Transport, Lidhje dhe Ekologji, z. Rexhail Ismaili, i informoi deputetët se në afatin e përcaktuar me Rregulloren e Kuvendit, nuk janë parashtruar amendamente për Propozim-ligjin. Komisioni, pa diskutim, e përcolli këtë Propozim-ligj në procedure të mëtutjeshme në Kuvendin e Republikës së Maqedonisë.
Në Propozim-ligjin e plotësuar për ndryshimin dhe plotësimin e Ligjit për ndërtim janë inkorporuar pesë amendamente të miratuara të parashtruara nga deputetët: Liljana Zaturoska, Rexhail Ismaili dhe Ramis Merko.
Tre Propozim-ligjet tjera, në cilësi të përfaqësuesit të Qeverisë së Republikës së Maqedonisë, i arsyetoi zëvendësministri i Transportit dhe Lidhjeve, z. Nimetulla Halimi, i cili theksoi nevojën për miratimin e ligjeve, qëllimet që do të arrihen dhe zgjidhjet themelore që do të rregullohen me ligjet. Komisioni për këto tre Propozim-ligje e miratoi Konkluzionin në vijim:
- Komisioni, në bazë të nenit 142 të Rregullores së Kuvendit të Republikës së Maqedonisë, konstaton se këto Propozim-ligje janë të pranueshme dhe se duhet të jepen në lexim të mëtutjeshëm.