E martë, 23 gusht 2016
Mbledhja e shtatëdhjetedytë e Komisionit për Transport, Lidhje dhe Ekologji
Komisioni për Transport, Lidhje dhe Ekologji i Kuvendit të Republikës së Maqedonisë, në mbledhjen e djeshme të 72-të, si trup punues amë, e shqyrtoi Propozim-ligjin për fushata reklamuese dhe informative të institucioneve publike - leximi i parë.
Ne mbledhjen e Komisionit në cilësi të përfaqësuesit të Qeverisë së Republikës së Maqedonisë ishte e pranishme znj. Marta Arsovska-Tomovska.
Në arsyetimin për Propozim-ligjin përfaqësuesi i Qeverisë theksoi nevojën për miratimin e ligjit, qëllimet që do të arrihen dhe zgjidhjet themelore që rregullohen me ligjin.
Në diskutimin për Propozim-ligjin morën pjesë deputetët: z. Topmisllav Tuntev, z. Bllagoja Despotoski, z. Dragan Danev, znj. Liljana Zaturoska, znj. Sofija Kunovska dhe ministrja e Shoqërisë Informatike dhe Administratës, znj. Marta Arsovska Tomovska.
Në fund të debatit, Komisioni me 6 vota "Për" dhe 2 vota "Kundër" konstatoi se Propozim-ligji është i pranueshëm dhe se duhet të jepet në lexim të mëtutjeshëm.