E mërkurë, 29 tetor 2014
Mbledhja e tetë e Komisionit për Bujqësi, Pylltari dhe Ekonomi të Ujërave
Komisioni për Bujqësi, Pylltari dhe Ekonomi të Ujërave i Kuvendit të Republikës së Maqedonisë, në mbledhjen e djeshme të 9, si trup punues amë, me procedurë të shkurtuar, shqyrtoi
- Propozim-ligj për ndryshimin dhe plotësimin e Ligjit për pyje.
Në mbledhjen, në cilësi të përfaqësuesit të Qeverisë së Republikës së Maqedonisë, ishte i pranishëm z. Vanço Kostadinovski, zëvendësministër i Bujqësisë, Pylltarisë dhe Ekonomisë së Ujërave.
Ai e theksoi nevojën për miratimin e ligjit, qëllimet që do të arrihen dhe zgjidhjet themelore që rregullohen me ligjin.
Kryesuesi i Komisionit i njoftoi deputetët se në afatin e caktuar të përcaktuar me Rregulloren e Kuvendit të Republikës së Maqedonisë, nuk janë parashtruar amendamente për Propozim-ligjin.
Në diskutimin për Propozim-ligjin morën pjesë deputetët: Romeo Trenov, Magdalena Manaskova, Nada Cipusheva, Nikolla Micevski, Rexhail Ismaili dhe Marjanço Kolevski.
Në bazë të nenit 149 paragrafi (2) i Rregullores së Kuvendit të Republikës së Maqedonisë, Komisioni parashtroi dhe miratoi nëntë amendamente.
Pas debatit, Komisioni e përcolli këtë Propozim-ligj në procedurë të mëtutjeshme në Kuvendin.