E enjte, 25 gusht 2016
Mbledhja e tetëdhjeteshtatë e Komisionit për Financim dhe Buxhet
Komisioni për Financim dhe Buxhet i Kuvendit të Republikës së Maqedonisë në mbledhjen e 87-të, si trup punues amë e shqyrtoi Propozim-ligjin për ndryshimin dhe plotësimin e Ligjit për buxhetet (me procedurë të shkurtuar).
Arsyetim hyrës për Propozim-ligjin dha zëvendësministri i Financave, z. Gzim Beadini.
Ai theksoi se ndryshimet e propozuara janë në drejtim të sigurimit të shpejtë dhe efikas të mjeteve financiare në rast të ekzistimit të gjendjes së krizës.
Në afatin e përcaktuar me Rregulloren e Kuvendit për Propozim-ligjin nuk u parashtruan amendamente nga propozues të autorizuar.
Në debatin morën pjesë deputetët: z. Marjanço Nikollov, z. Kërsto Mukoski, z. Bekim Fazliu, znj. Vlladanka AViroviq, z. Stojko Paunovski dhe z. Vasko Kovaçevski.
Në fund të debatit, Komisioni e përcolli Propozim-ligjin në procedurë të mëtutjeshme në Kuvend.