E premte, 19 qershor 2015
Mbledhja e tridhjetetretë e Komisionit për Transport, Lidhje dhe Ekologji
Komisioni për Transport, Lidhje dhe Ekologji i Kuvendit të Republikës së Maqedonisë, në mbledhjen e 33-të, si trup punues amë, në lexim të parë, shqyrtoi:
- Propozim-ligj për ndryshimin dhe plotësimin e Ligjit për transport të materieve të rrezikshme në komunikacionin rrugor dhe hekurudhor;
- Propozim-ligj për ndryshimin dhe plotësimin e Ligjit për rrugë publike;
- Propozim-ligj për gjelbërim urban (i parashtruar nga: Liljana Popovska dhe Pavle Trajanov).
Në mbledhjen e Komisionit, në cilësi të përfaqësuesit të Qeverisë së Republikës së Maqedonisë, ishte i pranishëm zëvendësministri i Transportit dhe Lidhjeve, z. Nimetulla Halimi.
Në arsyetimin për Propozim-ligjin për ndryshimin dhe plotësimin e Ligjit për transport të materieve të rrezikshme në komunikacionin rrugor dhe hekurudhor dhe Propozim-ligjin për ndryshimin dhe plotësimin e Ligjit për rrugët publike, përfaqësuesi i Qeverisë e theksoi nevojën për miratimin e ligjeve, qëllimet që do të arrihen dhe zgjidhjet themelore që rregullohen me ligjet.
Në arsyetimin për Propozim-ligjin për gjelbërim urban, propozuesi, znj. Liljana Popovska, theksoi nevojën për miratimin e ligjit, qëllimet që do të arrihen dhe zgjidhjet themelore që rregullohen me ligjin.
Në diskutimin për Propozim-ligjin morën pjesë deputetët: znj. Sllagjana Mitovska, z. Bllagoja Despotoski, znj. Liljana Zaturoska, znj. Olga Najdenovska dhe znj. Liljana Popovska.
Në fund të debatit, Komisioni njëzëri vlerësoi se të gjitha Propozim-ligjet janë të pranueshme dhe se duhet te jepen në lexim të mëtutjeshëm.