E hënë, 18 maj 2015, Budapest
Pjesëmarrja e kryetarit Veljanoski në Sesionin pranveror të AP të NATO
Kryetari i Kuvendit të Republikës së Maqedonisë, z. Trajko Veljanoski, sot mori pjesë në Sesionin pranveror të Asamblesë parlamentare të NATO-s në Budapest, Hungari.
Pas përfundimit të sesionit parlamentar, kryetari Veljanoski u takua me kryetarin e Parlamentit të Malit të Zi, z. Ranko Krivokapiq, me kryetarin i Dhomës së përfaqësuesve të Asamblesë Parlamentare të Bosnjë e Hercegovinës, z. Sefik Xhaferoviq dhe me kryetarin e Parlamentit të Geruzisë, z. David Usupashvilli.
![](http://www.sobranie.mk/content/images/nato3.jpg)
Të katër kryetarët shprehën kënaqësi nga mundësia për të biseduar dhe për të këmbyer mendime për sfidat aktuale me të cilat ballafaqohet secili prej shteteve në rrugën e integrimit në NATO. U pajtuan se Aleanca duhet të marrë hapa konkrete për t'u ndihmuar vendeve aspirante për anëtarësim në zgjidhjen e problemeve që janë pengesë në rrugën.
Bashkëbiseduesit shprehën transparencë dhe gatishmëri që edhe më tutje të ndihmohen ndërmjet veti me mbështetje të fuqishme. Gjithashtu, e theksuan rëndësinë e bashkëpunimit parlamentar në procesin e integrimit dhe shprehën kënaqësi nga bashkëpunimi i deritanishëm rajonal.
Kryetari Veljanoski u takua edhe me nikoqirin e Sesionit pranveror, kryetarin e Parlamentit të Hungarisë, z. Llasllo Kover. Në takimin u potencua edhe bashkëpunimi i deritanishëm dhe i suksesshëm parlamentar dhe miqësia e madhe ndërmjet të dyja vendeve.