E premte, 29 maj 2015
Takimi i z. Kenan Hasipi dhe z. Alojz Peterle, Bashkëkryesuesi i Komitetit të Përzier Parlamentar RM-BE
Bashkëkryesuesi i Komitetit të Përzier Parlamentar RM-BE, z. Kenan Hasipi dhe z. Alojz Peterle sot realizoi takim në Kuvendin e Republikës së Maqedonisë.
Bashkëbiseduesit në takimin këmbyen mendime për situatën politike aktuale në shtet, si dhe për aktivitetet e Komitetit të Përzier Parlamentar RM-BE në periudhën e ardhshme.
Në kuadër të vizitës bashkëkryesuesi Peterle u takua edhe me anëtarët e Komitetit të Përzier Parlamentar RM-BE: znj. Sillvana Boneva, z. Vlladimir Gjorçev, z. Antonijo Milloshoski, znj. Daniella Rangellova, znj. Nora Aliti si dhe z. Orhan Ibraimi.
Në fjalimin e tij hyrës bashkëkryesuesi Hasipi në emër të tij dhe në emër të anëtarëve i dëshiroi mirëseardhje z. Peterle, si dhe shprehu falënderim për interesin e treguar dhe mbështetjen për zgjidhjen e krizës politike në Maqedoni.
Bashkëkryesuesi Peterle shprehu kënaqësi nga takimi, njëkohësisht theksoi se dëshira dhe qëllimi i tyre është zhvillimi politik i cili do ta stabilizojë Maqedoninë, puna e plotë dhe normale e Kuvendit si dhe mbështetja për perspektivë evropiane të Maqedonisë.
Deputetët këmbyen mendime dhe qëndrime për mungesën e opozitës në parlament, ngjarjet e paradokohshme në Kumanovë, kontestin me emrin si dhe rolin e deputetëve në zhvillimin e procesit politik.
Z. Peterle shfaqi shpresë se vullneti i treguar politik i të gjithë subjekteve për kthimin e dialogut politik në Maqedoni me ndërmjetësim evropian do të sjellë rezultate.
Delegacioni dëshiroi që sa më shpejtë të funksionojë Komiteti i Përzier Parlamentar në përbërje të plotë në procesin e aderimit të Maqedonisë në BE.