E martë, 26 gusht 2014
TË NDËRTOHET URË ENDE MË E FORTË E MIQËSISË NDËRMJET TË DYJA VENDEVE
Nënkryetari i Kuvendit të Republikës së Maqedonisë, z. Antonio Milloshoski sot u takua me ambasadorin e jashtëzakonshëm dhe fuqiplotë të Shtetit të Izraelit për Republikën e Maqedonisë, me seli në Jerusalem, SH.T. z. Dan Orjan.
Në fillim të takimit nënkryetari Milloshoski shprehu falënderim ndaj ambasadorit për takimin, njëkohësisht e përgëzoi për zgjedhjen, duke i dëshiruar punë të mbarë.
Milloshoski shprehu kënaqësi nga vendimi i ndërmarrë në vitin 2008 për hapjen e Ambasadës maqedonase në Izrael, vend miqësor me të cilin nuk ka çështje të hapura.
Njëkohësisht theksoi se deri më tani janë arritur shumë marrëveshje të përbashkëta, vizita si dhe mbështetje e ndërsjellë në organizata të ndryshme ndërkombëtare, ndërsa ndërtimi i qendrës përkujtimore e viktimave nga holokausti duhet të jetë shembull në rajon.
Ambasadori Orjan theksoi se kjo është pozitë e parë si ambasador për të, por sheh potencial të madh për avancim të bashkëpunimit. Njëkohësisht i informoi të pranishmit për ngjarjet aktuale në Izrael.
Ambasadori i jashtëzakonshëm dhe fuqiplotë i Shtetit të Izraelit për Republikën e Maqedonisë, me seli në Jerusalem, SH.T. z. Dan Orjan u takua me kryetarin e Grupit parlamentar të Kuvendit të Republikës së Maqedonisë për bashkëpunim me Parlamentin e Shtetit të Izraelit, z. Pavle Trajanov dhe anëtarët. Në takim ishin të pranishëm edhe anëtaret znj. Sillvana Boneva dhe znj. Bllagica Llaskovska.
Në takimin kryetari dhe anëtarët e grupit parlamentar u informuan për ngjarjet aktuale në Izrael. Gjithashtu, u njoftuan me zgjedhjen e kryetarit të grupit për bashkëpunim me Kuvendin e Republikën e Maqedonisë, si dhe u theksua se në kohë sa më të shpejtë do të zgjidhen edhe anëtarë të grupit për bashkëpunim, me çka pritet bashkëpunim më të madh reciprok.
Kryetari dhe anëtarët e grupit parlamentar theksuan se angazhohen për vazhdimin e bashkëpunimit në nivel parlamentar, pastaj në plan ekonomik, në sferën e energjetikës, mjekësisë, këmbimit të studentëve dhe në sfera tjera në të cilat mund të bashkëpunohet ndërmjet të dyja vendeve.