E premte, 4 maj 2018
DEBAT PUBLIK I KOMISIONIT PËR ÇËSHTJE EKONOMIKE
Komisioni për Çështje Ekonomike i Kuvendit të Republikës së Maqedonisë, në mbledhjen e sotme të 12-të, mbajti Debat publik për Propozim-ligjin për energjetikë.
Fjalim hyrës për Propozim-ligjin për energjetikë kishin: z. Kreshnik Bekteshi, ministër i Ekonomisë; z. Koço Angjushev, zëvendëskryetar i Qeverisë, i ngarkuar për çështje ekonomike dhe për koordinim me resorët ekonomikë; z. Janez Kopaç, drejtor i Sekretariatit të Komunitetit Energjetik; si dhe konsultuesit që kanë marrë pjesë në përpunimin e Propozim-ligjit për energjetikë: z. Sllave Ivanovski, z. Atanasko Tuneski, z. Aleksandar Dedinec dhe z. Darko Janevski.
Fjalim të tyre në debatin publik kishin edhe: z. Konstatin Dimitrov, prof. dr. në pension; z. Dimitar Koçovski, drejtor i Ballkan energji grup; z. Dragan Minovski, kryetar i Këshillit Drejtues i SHA ELEM-it; z. Marjan Nenov nga shoqata e qytetarëve "NO pasaran"; znj. Liljana Popovska, deputete në Kuvendin e Republikës së Maqedonisë; z. Sasho Gençev, drejtor i firmës Ingmark SHPKNJP Shkup; z. Goran Ançeski, drejtor i firmës Arese sollushëns; z. Risto Janevski, drejtor për planifikim dhe zhvillim në SHA OKTA Shkup; prof. dr. Dimitar Dimitrov, profesor në fakultetin për elektroteknikë dhe teknologji informatike dhe znj. Nevena Smillevska, koordinator programor nga organizata joqeveritare Eko-svest.
Gjithashtu u theksuan mendime, rekomandime, vërejtje për Propozim-ligjin për ligjin për energjetikë, si dhe u parashtruan shumë pyetje ndaj përfaqësuesve nga Ministria e Ekonomisë dhe z. Koço Angjushev, zëvendëskryetar i Qeverisë, i ngarkuar për çështje ekonomike dhe për koordinim me resorët ekonomikë.