E mërkurë, 6 dhjetor 2017
Grubi - Flenkeshtajn: Evropa dhe vendet anëtare të na mbështesin
Deputeti Artan Grubi, Kryetar i Komisionit për Çështje Evropiane të Kuvendit të Republikës së Maqedonisë, ka realizuar takim në Bruksel EuroDeputetin gjerman, z. Knut Flenkeshtajn.
Grubi dhe Flenkeshtajn diskutuan për situatën në Maqedoni dhe perspektivën evropiane të vendit dhe rajonit.
Deputeti Grubi njoftoi EuroDeputetin Flenkeshtajn rreth realizimit të obligimeve vendore, siç janë ligjet për dëshmitar të mbrojtur, verifikim të fakteve, këshillin gjyqësor, zgjedhjen e kryeprokurorit, etj.
Mbështetja e eurodeputetëve është shumë e nevojshme, jo vetëm në institucionet evropiane, por edhe në vendet e tyre amë, anëtarë të BE-së dhe pikërisht këtë Grubi e kërkoi nga z. Flenkeshtajn.
Grubi ftoi bashkëbiseduesin që të vizitojë Shkupin në muajin Shkurt për konferencën e komisioneve evropiane nga parlamentet e vendeve të rajonit.