E mërkurë, 5 shtator 2018
PROPOZIM GJERMAN PËR KRIJIMIN E INSTITUCIONIT AVOKAT I USHTRISË, PËR KONTROLL TË PARLAMENTIT MBI ARMATËN
Komisioni për Mbrojtje dhe Siguri i Kuvendit të Republikës së Maqedonisë realizoi takim me Rejnholld Robe, ish-deputet në Bundestagun gjerman dhe ish-avokat në Armatën e Republikës Federative të Gjermanisë.
Kryetari i Komisionit për Mbrojtje dhe Siguri, Hari Llokvenec, shprehu falënderim për vizitën, duke e pasur parasysh kontributin e mysafirit në Parlamentin e Gjermanisë dhe në përgjithësi në jetën shoqërore, si dhe falënderim për mbështetjen dhe ndihmën e vazhdueshme të Gjermanisë për vendin tonë.
Në një moment specifik për Republikën e Maqedonisë, në prag të vizitës së kancelarit gjerman, referendumit, aspiratave euroatlantike dhe proceseve reformuese, veçanërisht vlerësohet mundësia për t'u dëgjuar një përvojë e pasur ekspertësh.
Në fokusin e bisedimeve ishte propozimi i ish-deputetit Robe për krijimin e institucionit avokat i ushtrisë, sipas nevojave në vendin tonë. Ky funksion ekziston në Gjermani që nga vitet e 50-ta, që është krijuar pas luftës, me qëllim të kontrollit të fuqishëm të Parlamentit mbi Armatën. Avokati i ushtrisë ka të drejta të veçanta kushtetuese, ndër të cilat, të ketë të drejtë pa paralajmërim të kryejë inspeksion në ushtri dhe ministri. Nga ana tjetër, Robe informoi se duke u udhëhequr nga përvoja në të kaluarën, Kushtetua e Gjermanisë lejon që ushtarët të mos u binden urdhrave të cilat konsiderojnë se bien ndesh me ligjet.
Në këtë drejtim, me ndihmën e Gjermanisë, me mbështetjen e Fondacionit Fridrih Ebert dhe me konsensusin e marrë nga Komisioni për Mbrojtje dhe Siguri, të krijohen legjislativë të rinj për përmirësimin e sektorit të sigurisë, në interes të qytetarëve dhe shtetit.
Gjithashtu, ish-avokati Robe propozoi krijim të Grupit të veçantë për miqësi ndërmjet Parlamentit të Maqedonisë dhe Parlamentit të Gjermanisë, i bëri ftesë Komisionit për Mbrojtje dhe Siguri për vizitë në Gjermani dhe dëshiroi referendum të suksesshëm për anëtarësim sa më të shpejtë të Republikës së Maqedonisë në NATO dhe BE.