E hënë, 13 maj 2019
VIZITË STUDIMORE PËR MOBILITET DHE PLANIFIKIM TË QËNDRUESHËM URBAN TË KOMUNIKACIONIT SIPAS SHEMBULLIT TË LUBJANËS
Kryetarja e Komisionit për Transport, Lidhje dhe Ekologji, Liljana Zaturoska dhe anëtari i Komisionit, Mirosllav Jovanoviq, janë në vizitë studimore në Lubjanë, Republika e Sllovenisë, nga 12 deri 15 maj, në lidhje me mobilitetin dhe planifikimin e qëndrueshëm urban sipas shembullit të metropolit slloven.
Evenimenti është dedikuar për parlamentarë nga Evropa Juglindore – rajoni i Ballkanit Perëndimor, në organizim të GIZ Fond i hapur rajonal për EJL – Efikasiteti energjetik, në emër të Ministrisë federale gjermane për bashkëpunim dhe zhvillim ekonomik.
Fjalim hyrës në hapjen mbajtën organizatorët Anjazh Plevniq dhe Vlladimir Babiq, si dhe kryetari i komunës së Lubjanës, Zoran Jankoviç. Gjithashtu, mori pjesë edhe Matik Sopotnik nga Njësia e transportit.
Gjatë ditës së nesërme është paraparë mbledhje me Edvard Pauliç, anëtar i Kuvendit nacional, kryetar i Komisionit për Infrastrukturë, Mjedis Jetësor dhe Planifikim Hapësinor dhe Polona Demshar-Mitroviq, shef i ekipit për mobilitet të qëndrueshëm, me temë: “Mbështetja nacionale për planifikim të mobilitetit të qëndrueshëm".
Duhet të marrin pjesë edhe Lluka Mlladenoviq dhe Josht Shmajdek, përfaqësues të kompanisë për transport publik në Lubjanë.