E mërkurë, 28 prill 2021
Ademi - Klus: Bashkëpunimi parlamentar i të dy parlamenteve është i shkëlqyeshëm
Kryetari i Komisionit për Çështjet Evropiane të Kuvendit të Republikës së Maqedonisë së Veriut, z. Arbër Ademi, u takua me zëvendësministrin e Punëve të Jashtme të Republikës së Sllovakisë, z. Martin Klus, i shoqëruar nga ambasadori i Sllovakisë në vendin tonë, z. Henrik Markus.
Ademi shprehu faleminderit të madhe për mbështetjen e fortë dhe të qartë që Sllovakia i jep Maqedonisë së Veriut, në vazhdimësi, në lidhje me proceset tona eurointegruese. me këtë rast veçanërisht falënderoi iniciativën e fundit të Ministrit të Punëve të Jashtme të Sllovakisë, z. Korçuk, i cili së bashku me tetë ministra të Punëve të Jashtëm të vendeve anëtare të BE-së, me shkrim iu drejtua Përfaqësuesit të Lartë të BE-së për politikën e jashtme dhe të sigurisë z. Borrell, duke bërë thirrje në Agjendën e Këshillit të prillit të ministrave të prillit të vendoset Ballkani Perëndimor.
Ai theksoi se Miratimi i Kornizës për negociata dhe mbajtja e Konferencës së Parë Ndërqeveritare në qershor, gjatë kryesimit të Portugalisë është prioriteti ynë kryesor, për ç’arsye jemi të gatshëm të kërkojmë zgjidhje të pranueshme për tejkalimin e çështjeve të hapura me Bullgarinë.
Vendi mbetet i përkushtuar ndaj agjendës së BE dhe në këtë kontekst, Parlamenti dhe Komisioni për Çështjet Evropiane janë plotësisht të përfshirë në realizimin e reformave Evropiane.
Të dy bashkëbiseduesit u dakorduan se bashkëpunimi parlamentar i të dy parlamenteve është i shkëlqyeshëm. Instituti Parlamentar i Kuvendit tonë, u formua duke ndjekur shembullin e Institutit Parlamentar në Këshillin Nacional të Sllovakisë, gjatë së cilës kishim mbështetje të madhe profesionale në këtë drejtim.
Zëvendësministri Klus përsëriti mbështetjen e Sllovakisë për aderim të Maqedonisë së Veriut dhe Shqipërinë në BE dhe hapjen e kapitujve të negociatave sa më shpejt të jetë e mundur. Në këtë kontekst, ai theksoi se Sllovakia i mbështet vendet e Ballkanit Perëndimor të jenë një nga pikat prioritare në Agjendën e Konferencës së ardhshme për të Ardhmen e Evropës, e cila do të mbahet në maj të këtij viti. Me këtë rast theksoi se procesi i fillimit të negociatave ndërmjet Maqedonisë së Veriut dhe Shqipërisë ka dimension të stabilitetit dhe sigurisë në rajon.