MR. JANI MAKRADULI
Nënkryetar i Kuvendit të Republikës së Maqedonisë
Anëtar dhe nënkryetar i LSDM-së, i lindur më 28.031965 në Manastir.
Arsimin filloren dhe të mesëm i kreu në Shkup, kurse diplomoi në Fakultetin Elektroteknik në Shkup, ku në vitin 2001 u rizgjodh asistent i vjetër dhe është udhëheqës i laboratorit për teknika kompjuterike dhe informatikë. Studimet pasuniversitare i filloi në Beograd, kurse në vitin 1994 magjistroi në Universitetin e Shkupit. Në karrierën e vet profesionale ka shkruar 43 publikime dhe punime shkencore.
Karrierën e vet politike e filloi në zgjedhjet lokale të vitit 1996-2000, kur u zgjodh këshilltar në Komunën e Qendrës. Në vitin 1997 ishte pjesëmarrës i shkollës politike në Frajburg, kurse në zgjedhjet parlamentare plotësuese në vitin 2001-2002 u zgjodh deputet në Kuvendin e Republikës së Maqedonisë. Në zgjedhjet e rregullta të vitit 2002-2006, përsëri u zgjodh deputet kur edhe u emërua koordinator i Grupit parlamentar të SDSM-së në Kuvendin e Republikës së Maqedonisë. Në vitin 2003 u emërua kryetar i Komisionit për teknologji informatike në Qeverinë e Republikës së Maqedonisë, kurse në vitin 2005 u zgjodh anëtar i Komisionit të përhershëm për bashkëpunim me Parlamentin Evropian dhe anëtar i ad hoc Komisionit të ekspertëve të Këshillit të Evropës për shoqëri informatike. Në zgjedhjet e rregullta parlamentare të vitit 2006-2008 përherë të tret u zgjodh deputet në Kuvendin e Republikës së Maqedonisë dhe përsëri u emërua koordinator i GP të LSDM-së, deri në zgjedhjet e jashtëzakonshme parlamentare të vitit 2008-2012, kur përherë të katërt u zgjodh deputet Lidhjes Socialdemokrate të Maqedonisë. Më 25 gusht 2008 u zgjodh nënkryetar i Kuvendit të Republikës së Maqedonisë.
Portofoli i tij politik i përmban këto aktivitete:
1996-2000 - zgjedhjet lokale, këshilltar në komunën Qendër, Shkup,
1997 - pjesëmarrës në shkollën politike për vetadministrim lokal në Fajburg,
2001-2002 - deputet në Kuvendin e Republikës së Maqedonisë-zgjedhjet parlamentare plotësuese,
2002-u zgjodh deputet dhe koordinator i Grupit parlamentar të LSDM-së,
2003-kryetar i Komisionit për teknologji informatike,
2005-anëtar i Komisionin të përhershëm për bashkëpunim me Parlamentin Evropian,
2005-anëtar i ad hoc Komisionit të ekspertëve të Këshillit të Evropës për shoqëri informatike,
2006-2008-u zgjodh deputet në Kuvendin e Republikës së Maqedonisë dhe koordinator i PG dhe LSDM-së, dhe
2008 - u zgjodh deputet në Kuvendin e Republikës së Maqedonisë, kurse nga 25 gushti 2008 u zgjodh nënkryetar i Kuvendit të Republikës së Maqedonisë.