E martë, 6 mars 2018
GRUBI U TAKUA ME AMBASADORIN FRANCEZ TIMONIE
Sot, kryetari i Komisionit për Çështje Evropiane, z. Artan Grubi u takua me ambasadorin e Republikës së Francës në Republikën e Maqedonisë, SH.T. Kristijan Timonie.
Në takimin u këmbyen mendime për kursin evropian dhe euroatlantik të Republikës së Maqedonisë, kontestin me Athinën, Marrëveshjen e Ohrit etj.
Në atë kontekst, Grubi u përqendrua edhe në përpjekjet për tejkalimin e dallimeve me emrin me Republikën e Greqisë, me qëllim të fundit, që Republika e Maqedonisë të bëhet anëtare e NATO-s dhe BE-së. Grubi shprehu kënaqësi nga dinamika e përpjekjeve për zgjidhje finale të kontestit ndërmjet Shkupit dhe Athinës.
Grubi dhe Timonie këmbyen mendime edhe për Ligjin për përdorimin e gjuhëve me të cilin do të rrumbullakohet pjesa normative e Marrëveshjes kornizë të Ohrit, me çka Maqedonia do të bëhet më e fuqishme, më e sigurt dhe më kohezive.
Në takimin u këmbyen mendime për avancimin e mëtutjeshëm të marrëdhënieve bilaterale, përmes përforcimit të bashkëpunimit të ndërsjellë në sfera të ndryshme me interes të përbashkët.