Pratenichki sostav
 
Пратенички состав

Говори и обраќања

Вторник, 18 октомври 2016 година

Изјава на претседателот Вељаноски по повод распишување на предвремени парламентарни избори

Почитувани претставници на медиумите,
Дами и господа,
Дозволете да Ве известам дека во согласност со уставните и законските одредби, како претседател на Собранието на Република Македонија го потпишав решението за распишување на предвремените парламентарни избори кои ќе се одржат на 11 декември оваа година.

повеќе...

Понеделник, 10 октомври 2016 година

Обраќање на претседателот Вељаноски по повод Свеченото отварање на Големата сала во Собранието на Република Македонија

Почитувани присутни,
Дами и господа,
После шест години, денес, конечно можеме со гордост да истакнеме дека најобемната и најсложената реконструкција, надградба и доградба на Собранието на Република Македонија е завршена!

повеќе...

Среда, 28 септември 2016 година

Обраќање на претседателот Вељаноски по повод одбележувањето на Меѓународниот ден на правото на пристап до информации од јавен карактер и 10-годишниот јубилеј од постоењето на Комисијата

На самиот почеток би сакал да ви го честитам вашиот јубилеј, односно десет години од формирањето на Комисијата за заштита на правото за слободен пристап до информациите од јавен карактер, а во исто време сите заедно да го одбележиме и Меѓународниот ден на правото на пристап до информации од јавен карактер.

повеќе...

Петок, 16 септември 2016 година, Стразбур

Обраќање на претседателот Вељаноски на Европската конференција на претседатели на парламенти, на тема: „Националните парламенти и Советот на Европа: Заедничко промовирање на демократијата, човековите права и владеење на правото“

Од неговото основање на 5 мај 1949 година, Советот на Европа, исполнувајќи ги своите статутарни одредби, дејствува кон воспоставувањето, остварувањето, заштитата и развојот на човековите права и основните слободи, јакнењето на демократијата и создавањето на заедничките правни стандарди.

повеќе...

Четврток, 15 септември 2016 година, Стразбур

Обраќање на претседателот Вељаноски на Европската конференција на претседатели на парламенти, на тема: „Миграциите и бегалската криза во Европа – улогата и одговорностите на парламентите“

Миграцијата како појава од цивилизациски аспект не е нешто ново за светот и за Европа, меѓутоа актуелната мигрантско-бегалска криза претставува феномен незабележан во поновата светска историја. Тоа што денес се случува претставува глобален проблем. Тоа што денес се случува претставува глобален проблем. Само да потсетам дека и на штотуку завршениот Самит на групата Г-20, бегалската криза со која се соочуваме е дефинирана како глобален проблем кој бара и соодветен пристап и решение. 

повеќе...

Среда, 7 септември 2016 година

Обраќање на претседателот Вељаноски на традиционалниот свечен прием по повод 8 Септември – Денот на независноста на Република Македонија

Во предвечерието на 25-годишнината од историскиот референдум за самостојност на Република Македонија, сакам да изразам голема благодарност до граѓаните на Република Македонија кои со консенсуалнo „ДА“ го остварија вековниот сон на многу генерации за самостојна и независна Република Македонија. 

повеќе...

Среда, 31 август 2016 година, Варшава

Коментар на претседателот Вељаноски на тема „Придонесот на Националните парламенти во мултилатералната соработка во Централна и Источна Европа“

„Фактот дека денес сме овде и расправаме на повеќе теми зборува за улогата, значењето и одговорноста на националните парламенти во развојот на билатералните односи, но се повеќе и во мултилатералните односи, како на ниво на регионалната соработка, така и на ниво на Европската унија и пошироко. Денес сите значајни меѓународни организации и асоцијации во својата структура вклучуваат и парламентарни собранија како значаен институционален сегмент во нивното работење.

повеќе...

Среда, 31 август 2016 година, Варшава

Обраќање на претседателот Вељаноски на Парламентарниот состанок на земји од Централно-Источна Европа

Почитуван претседавач,
Почитувани колеги,
Дами и господа,

Каква Европа сакаме и која е иднината на ЕУ и интегративните процеси на државите аспиранти, се прашања кои посебно се актуелизираа по таканаречениот Брегзит, односно референдумот на кој граѓаните на Велика Британија се определија за излез од ЕУ.

повеќе...

Вторник, 2 август 2016 година

Обраќање на претседателот на Собранието на Република Македонија, г. Трајко Вељаноски по повод 2 Август-Илинден, Ден на Републиката 

Добар ден Македонијо!
Добар ден почитувана и славна илинденска Татковино!
Голем поздрав до сите граѓани на оваа земја кои, денес, доаѓаат од сите страни за да ги посетат местата на славната историја на Македонија!
Голем поздрав и до сите оние, кои со мисла и со збор, распрскани низ сите краишта на нашата Tатковина си спомнуваат за Илинден.
Денес насекаде ечи гордоста на нашата Tатковина!
Денес насекаде сјае наследството на предците на овој народ!
Денес повторно блика во сета своја слава, како извор вода, крвта на комитите и на партизаните пролеана за Македонија!

повеќе...

Четврток, 7 јули 2016 година

Обраќање на претседателот Вељаноски на 55. Балкански фестивал на народни песни и игри

Вечерва за мене, а верувам и за вас, е голема чест и задоволство сите заедно да го одбележиме отворањето на Педесет и петтиот јубилеен Балкански фестивал на народни песни и игри. Манифестација која, како дома, така и во светот, во овие 55 години на делување, стана препознатлива и денес е во меѓународниот каталог на најзначајни фолклорни манифестации. 

повеќе...

  • 1
  • 2
  • 3
  • ...
  • 6
  •