Среда, 24 септември 2014 година
Номинации за наградата „Сахаров“
Европскиот парламент ги објави имињата на номинираните за наградата „Сахаров“, која ја доделува секоја година за слобода на мислата.
Седумте номинирани се:
• Махмуд Ал Асали, професор по право од Универзитетот во Мосул, кој застанал во одбрана на христијанските права, убиен во јули минатата година и Рафаел Луис Сако, ирачки патријарх од Калдејската католичка црква, номинирани за одбрана на верските слободи.
• Мароканскиот рапер Муад Белжуа, познат како Ел Хакед; Ала Јакуби од Тунис, популарен како Ел Велд и египетскиот блогер и политички активист Ала Абдел Фатах.
• „Кредо“ - организација за заштита на христијанските малцинства.
• Проевропското украинско движење „EuroMaidan“, предводено од новинарот Мустафа Наем, пејачката и евровизиски победник Руслана Лизичко, активистката Јелисавета Шепетилникова и новинарката Тетјана Чорновол.
• Американската активистка родена во Сомалија, Ајан Хирси Али, бранителка на правата на жените во исламските општества.
• Денис Муквег, гинеколог од Демократска Република Конго, специјализиран за третман на жртвите на силување и основач на болница во Букаву.
• Лејла Јунус од Авганистан, активистка за човекови права и директор на Институтот за мир и демократија.
Добитникот на овогодинешната наградата „Сахаров“, ќе биде објавен во октомври.
Инаку, наградата го носи името на советскиот физичар и политички дисидент Андреј Сахаров. Европарламентот ја доделува уште од 1988 година на поединци или организации заслужни во борбата за човекови права и демократија.