E martë, 18 dhjetor 2018
Takim i kryetarit Xhaferi me zëvendëssekretarin shtetëror të Shteteve të Bashkuara të Amerikës, z. Xhon J. Salivan
Sot, kryetari i Kuvendit të Republikës së Maqedonisë, z. Talat Xhaferi realizoi takim me z. Xhon J. Salivan, zëvendëssekretarin shtetëror të SHBA-ve.
Në takim, kryetari Xhaferi shprehu falënderim ndaj SHBA-ve si partner strategjik i vendit tonë, për mbështetjen e vazhdueshme që ia jep jo vetëm Republikës së Maqedonisë por edhe gjithë rajonit. Ai e njoftoi mysafirin e lartë me aktivitetet rrjedhëse në shtëpinë ligjvënëse në lidhje me miratimin e propozim amendamenteve kushtetuese, si fazë e implementimit të Marrëveshjes së Prespës, me pritje se procesi do të rrumbullakohet deri në fund të gjysmës së parë të muajit janar të vitit 2019.