E martë, 15 tetor viti 2019
PRITSHMËRITË DHE PERSPEKTIVAT NË PROCESIN E ADERIMIT NË BASHKIMIN EVROPIAN
Këshilli Nacional për Eurointegrime në Mbledhjen e Gjashtë të mbajtur më 14 tetor 2019 diskutoi pritjet dhe perspektivat në procesin e aderimit në Bashkimin Evropian. Në mbledhje morën pjesë nënryetari i Qeverisë përgjegjës për çështje Evropiane Evropiane, z. Bujar Osmani, anëtarët e Komisionit për Çështje Evropiane, Komisioni për Politikë të Jashtme, Komiteti i Përzier Parlamentar RM-BE, organizatat civile, institucionet, si dhe ambasadorët e shteteve anëtare të BE-së në vend.
Zëvendëskryeministri përgjegjës për Çështje Evropiane, z. Bujar Osmani, mbajti fjalim në mbledhje dhe theksoi se negociatat mund të fillojnë menjëherë dhe se ne jemi të gatshëm për sfidën me të cilën përballen negociatat. Vendi ka arritur rezultate të jashtëzakonshme në rrugën e tij të eurointegrimit, nuk ka çështje të hapura me fqinjët dhe prandaj pret një vendim pozitiv nga Bashkimi. Pas dy dekadash në procesin e integrimit evropian, vendi do të kalojë përfundimisht në fazën e shumëpritur të negociatave, e cila nuk është shpërblim por një valorizim i asaj që është arritur bashkërisht, veçanërisht reformat që janë zbatuar me konsensus. Këshilli Nacional për Integrime Evropiane nuk njeh dallime etnike dhe sociale dhe paraqet një platformë të vetme që i bashkon të gjithë dhe na bashkon drejt BE-së. Në këtë drejtim z. Osmani i bëri thirrje Këshillit që të ketë debate thelbësore mbi procesin e eurointegrimit dhe monitorimin e vazhdueshëm të procesit të udhëhequr nga Qeveria nga ana e Parlamentit.
Kryetari i Këshillit Nacional për Eurointegrime z. Nikolla Poposki, në fjalimin e tij theksoi se për fitimin e datës për fillimin e negociatave vendosin 28 shtete anëtare të BE-së të cilat duhet të binden se si shoqëri u afrohemi standardeve evropiane. Shteti do të bëhet anëtar i BE-së kur me të vërtetë u afrohemi standardeve evropiane dhe se ky do të jetë kriteri kryesor për zgjerimet pasuese. Retorika zgjedhore për datën për negociata nga aktorët politikë duhet të tejkalohet pasi nuk bën përparim thelbësor. Sipas Poposki, pushteti nuk e ndjen nevojën për t'u këshilluar me opozitën për kornizën negocijuese. Është i bindur që do të ketë fillim të negociatave në vitin 2020, me metoda të reja në negociata dhe se do të pasojë një rrugë e gjatë bisedimesh me BE-në. Shteti do të marrë vlerësimet kryesore në varësi të intensitetit të zgjidhjes së problemeve dhe vetë-iniciativës së tij për ti afruar standardet evropiane në shoqërinë maqedonase dhe qytetarët e tij.
Nënkryetarja e Këshillit Kombëtar, znj. Ivana Tufegxhiq në fjalimin e saj shprehu optimizëm se shteti do të marrë datë për fillimin e negociatave. U sugjerua që vendimi për të shtyrë datën do të dëmtonte kredibilitetin e BE-së te qytetarët. Janë bërë viktima serioze dhe hapa të mëdha në emër të eurointegrimeve. Kërkoi që Këshilli takohet më shpesh dhe të debatojë për çështje më thelbësore duke marrë parasysh vendimmarrjen konsensuale të Këshillit dhe karakterin e tij gjithëpërfshirës.
Në diskutimin e mbledhjes marën pjesë: znj. Shpresa Hadri anëtare e Këshillit, z. z. Bojan Maricic nga Kabineti i Kryetarit të Qeverisë së Republikës së Maqedonisë së Veriut, znj Jagoda Shahpaska, anëtare e Komisionit për Çështje Evropiane, dhe znj. Lidija Dimova, drejtore e Agjencisë Nacionale për Programe Edukative Evropiane dhe Mobilitet.
Anëtarja e Këshillit znj. Shpresa Hadri tregoi se shteti i përmbushi të gjitha kushtet për fillimin e negociatave. Potencoi nevojën për një gjyqësi të paanshme dhe luftë të përforcuar kundër krimit të organizuar dhe korrupsionit. Kërkoi mbështetje nga të gjitha partitë politike për propozimin e BDI-së për zbatimin e vetingut për gjykatës dhe politikanë. Apeloi për punë të përbashkët të koordinuar të të gjithë faktorëve politik në përmbushjen e standardeve evropiane.
Anëtari i Këshillit z. Bojan Mariçiq theksoi nevojën për të bashkuar dhe kapërcyer diskursin politik me përgjegjësi më të madhe të të gjithë faktorëve në shoqëri, duke theksuar nevojën për punë më intensive në të gjitha nivelet. Pas takimeve të shqyrtimit shpjegues për kapitujt e mbajtur në Bruksel si përgatitje për fillimin e negociatave, kemi përgjegjësi që temat dhe politikat ti shqyrtojmë dhe ti implementojmë, pavarësisht nga metodologjia që po negociohet. Në këtë kontekst Mariçiq theksoi se Këshilli Nacional luan një rol të madh. Shprehu dëshirë për të mbajtur mbledhje më të shpeshta tematike të Këshillit.
Në diskutim, znj. Lidija Dimova, drejtore e Agjencisë Nacionale për Programe Edukative Evropiane dhe Mobilitet, përshëndeti takimin e Këshillit si një hap simbolik drejt një shqetësimi të përbashkët për momentin në të cilin gjendet shteti. Për lajmet e rreme, akuzimet, Dimova theksoi se ata nuk ndihmojnë në drejtimin ku po drejtohet shteti. Ajo bëri thirrje që në Kuvend të mbahet debat mbikëqyrës si mekanizëm për të luftuar korrupsionin. Për të arritur në axhendën evropiane, ekziston nevoja për pajtimin e të gjithë faktorëve në shoqëri të cilët duhet të tregojnë pjekuri politike.
Anëtarja e Komisionit për Çështje Evropiane znj. Jagoda Shahpaska theksoi në diskutim se vendimet shumë të vështira u morën në periudhën e kaluar me çmim të madh politik pa llogaritje personale, dhe shprehu keqardhje për ndarjen politike për të cilën nevojitet kohë për pajtimin midis bllokut politik maqedonas. Sipas axhendës evropiane, secili vend ka vlerat e veta, por qëllimi i të gjithave duhet të jetë ofrimi i vlerave evropiane së bashku, duke theksuar rolin e opozitës. Shahpaska theksoi se vendimi për të filluar negociatat është një çështje e rëndësishme për të gjithë qytetarët e vendit, për rajonin, si dhe për një Bashkim Evropian Stabil, duke theksuar se është koha për rezultate.