E mërkurë, 12 shkurt 2014
MBLEDHJA E PËRBASHKËT E KOMISIONIT PËR ÇËSHTJE EVROPIANE DHE KËSHILLIT NACIONAL PËR EUROINTEGRIME
Komisioni për Çështje Evropiane dhe Këshilli Nacional për Eurointegrime mbajti mbledhje të përbashkët, në të cilën u diskutua për Programin nacional për miratimin e të drejtës së Bashkimit Evropian, revizioni 2014, ku u miratua edhe mendimi për të.
Fjalim hyrës për NPAA-në për vitin 2014 mbajti zëvendëskryeministri i ngarkuar për çështje evropiane në Qeverinë e Republikës së Maqedonisë, z. Fatmir Besimi, i cili informoi për aktivitetet e planifikuara të Qeverisë së Republikës së Maqedonisë në lidhje me dinamikën e harmonizimit të legjislacionit nacional me atë evropian, si dhe për përshtatjen e arritur të institucioneve nacionale me strukturat administrative evropiane.
Në debatin morën pjesë kryetari i Komisionit për Çështje Evropiane, z. Harulla Misini, kryetarja dhe zëvendëskryetarja e Këshillit Nacional për Eurointegrime, znj. Radmilla Shekerinska dhe znj. Sillvana Boneva dhe deputetët: Pavle Trajanov dhe z. Gordian Georgiev, si dhe përfaqësuesja dhe anëtarja e Këshillit Nacional për Eurointegrime, znj. Tanja Ademi-Hafner dhe z. Dimitar Mirçev.
Në diskutimet u fol për realizimin e deritanishëm të revizioneve të mëparshme të NPAA-së, për sfidat para të cilave qëndron shteti në aspekt të realizimit të këtij programi, si dhe për nevojën që Kuvendi edhe më tutje ta mbajë konsensusin e arritur për çështjet e BE-së, kështu që me përpjekje të përbashkëta do të mund të arrihet të miratohen ligjet e paraparë në NPAA-në.
Mendim Aneksi 1 Aneksi 2