E enjte, 7 dhjetor 2017
KRYETARI I KUVENDIT XHAFERI NË VIZITË PUNE NË SHBA
Kryetari i Kuvendit të Republikës së Maqedonisë, z. Talat Xhaferi, prej sot është në vizitë pune në Shtetet e Bashkuara të Amerikës, ku me ftesë të Kongresmentit Robert Pitinxher, do të marrë pjesë në Forumin e dhjetë parlamentar të sigurisë, që do të mbahet më 07.12.2017 në Uashington.
Përveç pjesëmarrjes në Forum, janë parashikuar edhe takime me më shumë kongresmenë dhe përfaqësues të Stejt Departmentit.