Четврток, 22 ноември 2018 година 

Обраќање на претседателот Џафери по повод одбележувањето на 22 Ноември, Денот на азбуката 

Среќен сум и во исто време почестен што сум домаќин на оваа величествена вечер, кога одбележуваме 110-годишнина од Битолскиот конгрес, 110-годишнина од унифицирањето на албанската азбука и задоволство ми е да ве поздравам во својство на претседател на Собрание и од име на пратениците во Собранието на Република Македонија, сите вас кои со вашето доаѓање ја зголемивте вредноста и значајноста на овој настан, и искажавте почит кон сонародниците и вашите сограѓани. 

Среда, 21 ноември 2018 година

Потреба од интензивирање на соработката меѓу Македонија и Кувајт 

Претседателот на Пратеничката група на Собранието на Република Македонија за соработка со Парламентите на земјите од Блискиот и Средниот Исток, Мухамед Зеќири, и членовите на Групата: Панчо Минов и Неџбедин Каремани, остварија средба со амбасадорот на Државата Кувајт за Република Македонија, Н.Е. Јакуб Алатеки.

Вторник, 20 ноември 2018 година

Собраниска делегација на 64. годишна сесија на ПС на НАТО во Халифакс, Канада

Претседателот на Собранието на Република Македонија г. Талат Џафери и Делeгацијата на Собранието Република Македонија во ПС на НАТО г. Илија Димовски, г-ѓа Катерина Кузмановска и г. Весел Мемеди, учестуваа на 64.годишна сесија на Парламентарното Собрание на НАТО, која се одржа од 16-19 ноември 2018 година во Халифакс, Канада.

Вторник, 20 ноември 2018 година

Културното наследство - клучен сегмент во дефинирањето на културата и цивилизацискиот развој 

На покана од Европскиот парламент, претседателката на собраниската Комисија за култура, Ирена Стефоска, учествуваше на интерпарламентарен комисиски состанок на тема „Европско културно наследство“ што се одржа во Европскиот парламент во Брисел, Кралството Белгија. Пратеничката Стефоска имаше свое обраќање на тема „Културното наследство во Република Македонија: основа за иднината“.

Вторник, 20 ноември 2018 година

ДЕЛЕГАЦИЈА НА КОМИСИЈАТА ЗА ЕВРОПСКИ ПРАШАЊА НА КОНФЕРЕНЦИЈА ВО ВИЕНА

На дводневната Конференција на Комисиите за европски прашања, која на 18-20 ноември се одржува во Виена, учествува и Делегација на Комисијата за европски прашања на Собранието на Република Македонија, во состав: Шпреса Хадри, Лидија Тасевска и Владанка Авировиќ.

Понеделник, 19 ноември 2018 година, Халифакс, Канада

Обраќање на претседателот Џафери на 64. сесија на Парламентарното собрание на НАТО 

Понеделник, 19 ноември 2018 година

Собраниска делегација на Регионална конференција за толеранцијата и инклузивните општества на Западен Балкан

Претседателот и заменик-претседателот на Комитетот за односи меѓу заедниците, Реџаил Исмаили и Јусуф Хасани, на покана на Советот на Европа - Оддел за антидискриминација, на 14 и 15 ноември учествуваа на Регионална конференција за толеранцијата и инклузивните општеста на Западен Балкан, која се одржа во Подгорица, Црна Гора. 

Петок, 16 ноември 2018 година, Мадрид

Образованието, вработувањето на младите и демократскиот амбиент-силен инструмент на демократските општества во борбата против тероризмот 

Петок, 16 ноември 2018 година

Средба на Комисијата за финансирање и буџет со претставниците на постојаната мисија на Меѓународниот монетарен фонд

Четврток, 15 ноември 2018 година, Мадрид

Собраниска делегација на Конференција за жртвите на тероризмот

Делегација на Собранието на Република Македонија, во состав: Владимир Ѓорчев, шеф на Делегацијата во Парламентарното собрание на ОБСЕ (ПС на ОБСЕ); Јагода Шахпаска и Ејуп Алими, членови на Делегацијата, учествува на Конференцијата за жртвите на тероризмот во областа на Парламентарното собрание на ОБСЕ, што се одржува на 15 и 16 ноември 2018 година во Мадрид, во организација на Сенатот на Шпанија и ПС на ОБСЕ.