E premte, 10 nëntor 2017
Takim i kryetarit Xhaferi me Sekretarin shtetëror për punë të jashtme dhe evropiane të Republikës së Sllovakisë, z. Ivan Korçok
Kryetari i Kuvendit të Republikës së Maqedonisë, z. Talat Xhaferi, sot realizoi takim me Sekretarin shtetëror për punë të jashtme dhe evropiane të Republikës së Sllovakisë, z. Ivan Korçok.
Në fillim të takimit, kryetari Xhaferi shprehu kënaqësi të veçantë për mundësinë për realizimin e takimit me një përfaqësues të vendit me të cilin Republika e Maqedonisë ka marrëdhënie bilaterale të shkëlqyera dhe shumëvjeçare, në më shumë nivele. Në nivelin parlamentar, Parlamenti i Republikës së Sllovakisë e ndau përvojën gjatë formimit të Institutit Parlamentar në Kuvendin e Maqedonisë.