E hënë, 27 nëntor 2017, Stokholm

Audiencë te Mbreti i Suedisë, Lartësia e Tij Karl XVI Gustaf, për z. Talat Xhaferin, kryetarin e Kuvendit të Republikës së Maqedonisë

Në përputhje me Programin e vizitës zyrtare, u realizua Audiencë te Mbreti i Suedisë, Lartësia e Tij Karl XVI Gustaf, për kryetarin e Kuvendit të Republikës së Maqedonisë, z. Talat Xhaferi. Me këtë rast, u këmbyen vështrime për gjendjen aktuale në planin politik dhe shoqëror me karakter bilateral dhe multilateral.  

E hënë, 27 nëntor 2017, Stokholm

Takimi i Kryetarit Xhaferi dhe Delegacionit të Kuvendit me z-njën Margot Valstrom, ministër i Punëve të Jashtme të Mbretërisë së Suedisë

Sot, në suazat e Programit, u realizua takim me ministren e Punëve të Jashtme, z-njën Margot Valstrom. Kryetari Xhaferi e përshëndeti nënshkrimin e paradokohshëm të Deklaratës për bashkëpunim ndërmjet Republikës së Maqedonisë dhe Mbretërisë së Suedisë, me të cilën riafirmohet mbështetja e prioriteteve tona strategjike dhe definohen fushat konkrete me interes të ndërsjellë në planin bilateral dhe multilateral. Njëkohësisht, z. Xhaferi u falënderua për marrjen e Vendimit të Qeverisë së Mbretërisë së Suedisë për revidimin e strategjisë për ndihmën e vendeve të Ballkanit Perëndimor (SIDA), me të cilin do të jepet nxitje e konsiderueshme ndaj demokratizimit të më shumë fushave me interes shtetëror dhe më të gjerë shoqëror.

E hënë, 27 nëntor 2017, Stokholm

Takimi i Kryetarit Xhaferi dhe Delegacionit të Kuvendit me znj. Eva-Luiz Erlandson Slorah, kryetare e Stokholmit

Në kuadër të vizitës zyrtare në Mbretërinë e Suedisë, kryetari i Kuvendit të Republikës së Maqedonisë, z. Talat Xhaferi dhe deputetët Frosina Tashevska- Remenski Ejup Alimi dhe Fadil Zendeli, ishin në vizitë të Administratës së qytetit të Stokholmit, ku z-nja Eva-Luiz Erlandson Slorah, kryetare e qytetit të Stokholmit e prezantoi punën dhe funksionimin e Këshillit të Qytetit të Stokholmit. 

E premte, 24 nëntor 2017

Standardizimi i raporteve të cilat organet dhe institucionet i dorëzojnë në Kuvend

Anëtarët e Komisionit për Sistem Politik dhe Marrëdhënie Ndërmjet Bashkësive mbajtën takim pune me përfaqësuesit e organeve dhe institucioneve të cilat kanë bazë ligjore të dorëzojnë raporte në Kuvendin e Republikës së Maqedonisë, të cilat janë në kompetencë të Komisionit për Sistem Politik dhe Marrëdhënie Ndërmjet Bashkësive. Ky takim është pjesë e aktiviteteve të cilat Komisioni për Sistem Politik dhe Marrëdhënie Ndërmjet Bashkësive në bashkëpunim me Misionin e OSBE-së në Shkup, i mori në drejtim të standardizimit të raporteve të cilat organet dhe institucionet i dorëzojnë në Kuvend. 

E premte, 24 nëntor 2017 

Fjalimi i kryetarit Xhaferi në evenimentin ndërkombëtar „16 ditë aktivizëm kundër dhunës gjinore“

"Të gjithë qeniet njerëzore lindin të lirë dhe të barabartë sipas dinjitetit dhe të drejtave. Ato janë të pajisur me arsye dhe ndërgjegje dhe duhet ndaj njëri tjetrit të sillen në frymën e vëllazërisë".

E premte, 24 nëntor 2017, Gjenevë

Komisionet e Kuvendit në debatin e ekspertëve në Gjenevë

Prej 21 deri më 23 nëntor deputetët e Komisionit për Mbrojtje dhe Siguri, Komisionit për Kontroll në Punën e DSK-së dhe AZ-së dhe Komisionit për Mbikëqyrje në Ndjekjen e Komunikimeve dhe drejtorët e institucioneve të sigurisë dhe zbulimit të Republikës së Maqedonisë, në Gjenevë, morën pjesë në debatin e ekspertëve për reformën e bashkësisë së zbulimit dhe përforcimin e mbikëqyrjes parlamentare.

E enjte, 23 nëntor 2017, Poreç, Kroaci

Fjalimi i kryetarit Xhaferi me rastin e përurimit të shtatores së Nënë Terezës

Me të vërtetë më paraqet kënaqësi të madhe që sot jam i pranishëm në zbulimin solemn të përmendores së shenjtores Nënë Terezë, këtu në Poreç. Për ne shqiptarët, pa dallim se ku jetojmë dhe cilës fe i takojmë, a besoj se edhe për çdo njeri human, shenjtorja e bekuar Nënë Tereza është simbol i humanizmit pakufi, i dashurisë dhe kujdesit pikërisht ndaj atyre njerëzve ndaj të cilëve jeta ka qenë e pamëshirshme.

E mërkurë, 22 nëntor 2017

Shkëmbimi i shpeshtë i përvojave për politikat ekonomike dhe thellimi i ekonomive nacionale 

Komisioni për Financim dhe Buxhet i Kuvendit të Republikës së Maqedonisë realizoi takim me Grupin Parlamentar për marrëdhënie interparlamentare me Republikën e Maqedonisë të Kuvendit të Ukrainës, në përbërje: z. Andrij Shinjkoviq, kryetar i Grupit dhe anëtarët: z. Mihajllo Kobcev dhe Roman Macolla.

E mërkurë, 22 nëntor 2017

Eurointegrimet - interes i përbashkët i Maqedonisë dhe Ukrainës

Komisioni për Politikë të Jashtme i Kuvendit të Republikës së Maqedonisë realizoi takim me Grupin Parlamentar për marrëdhënie interparlamentare me Republikën e Maqedonisë të Kuvendit të Ukrainës, në përbërje: z. Andrij Shinjkoviq, kryetar i Grupit dhe anëtarët: z. Mihajllo Kobcev dhe z. Roman Macolla, në shoqërim të ambasadores së Ukrainës në vendin tonë, znj. Natalija Zadorozhnjuk.

E mërkurë, 22 nëntor 2017

Takimi i të dyja grupeve parlamentare për bashkëpunim ndërmjet Maqedonisë dhe Ukrainës

Në takim ishin prezent, z. Jovan Mitreski, kryetar i Grupit Parlamentar dhe anëtarët: znj. Vesna Pemova, z. Dragan Cuklev, z. Mirosllav Jovanoviq dhe z. Vasill Pishev. Nga ana tjetër, Grupi Parlamentar për marrëdhënie interparlamentare me Republikën e Maqedonisë të Kuvendit të Ukrainës ishte udhëhequr nga z. Andrij Shinjkoviq, kryetar dhe anëtarët: z. Mihajllo Kobcev dhe z. Roman Macolla, si dhe znj. Natalija Zadorozhnjuk, ambasadore e Ukrainës në Maqedoni.