Четврток, 25 октомври 2018 година

Обраќање на претседателот Џафери на промоцијата на студијата „Проценка на влијанието на регулативата за употреба на јазиците во Македонија“

Дозволете на самиот почеток да го истакнам моето задоволство што како претседател на Собранието учествувам на промоцијата на студијата со наслов „Проценка на влијанието на регулативата за употреба на јазиците во Македонија“, студија за која верувам дека ќе помогне во натамошната имплементација на Законот за употреба на јазиците во Република Македонија.

Четврток, 25 октомври 2018 година

Златко Атанасов, кореспондент на Собранието, избран за член на Извршниот комитет на ЕЦПРД

Годишната конференција на кореспонденти на Европскиот центар за парламентарни истражувања и документација(ЕЦПРД) се одржа во Хелсинки, Финска. На дводневната конференција се дебатираше за улогата на парламентите во оценувањето на влијанијата на идните фактори на промени и технолошкиот развој, како и улогата на коресподентите во однос на поднесените барања и одговори од интерес на пратениците. 

Понеделник, 24 октомври 2018 година

Дваесет и осма седница на Комисијата за транспорт, врски и екологија

Комисијата за транспорт, врски и екологија на Собранието на Република Македонија, на денешната 28. седница, како матично работно тело го разгледа Предлогот  на  законот за изменување и дополнување на Законот за реализација на инфраструктурни проекти за изградба на патна делница Миладиновци – Штип и патна делница Кичево – Охрид (скратена постапка).

Вторник, 23 октомври 2018 година, Прага

Средба на претседателот Џафери со принцот Карел Шварценберг, заменик-претседател на Комисијата за надворешни работи     

Во рамките на официјалната посета на Чешката Република, претседателот на Собранието на Република Македонија, Талат Џафери, оствари заедничка средба со принцот Карел Шварценберг, заменик-претседател на Комисијата за надворешна политика. На средбата присуствуваше и Јан Липавски, заменик-претседател на Комисијата за одбрана во Домот на пратеници во Парламентот на Чешката Република и пратеници членови на Комисијата.  

Понеделник, 22 октомври 2018 година, Прага  

Средба на претседателот Џафери со Радек Вондрачек, спикер на Домот на пратеници во Парламентот на Чешката Република

Во рамките на официјалната посета на Чешката Република, претседателот на Собранието на Република Македонија, Талат Џафери, оствари средба со својот колега и домаќин, Радек Вондрачек, спикер на Домот на пратеници во Парламентот на Чешката Република. 

Претседателот Вондрачек го изрази своето задоволство од денешната средба и упати честитки до претседателот Џафери за успешното гласање во Собранието за пристапување кон уставни измени. Изрази надеж дека и во подоцнежните фази ќе се постигне единство и заедничка поддршка. 

Понеделник, 22 октомври 2018 година, Прага

Средба на претседателот Џафери со чешкиот премиер Бабиш

Во рамките на официјалната посета на Чешката Република, претседателот на Собранието на Република Македонија Талат Џафери оствари средба со  Андреј Бабиш, премиер на Чешката Република. 

Премиерот Бабиш истакна дека билатералните односи меѓу Чешката Реублика и Република Македонија се одлични, без отворени прашања и одвиваат во интензивна комуникација. 

Четврток, 18 октомври 2018 година

Средба на претседателот Џафери со членовите на Работната група одговорна за односите на ЕУ со земјите од Западен Балкан - Република Албанија, Босна и Херцеговина, Република Македонија и Косово

Претседателот на Собранието на Република Македонија, г. Талат Џафери, заедно со потпретседателите г-ѓа Фросина Ташевска Ременски, г. Весел Мемеди и г. Горан Мисовски, координаторите на пратеничките групи г. Томислав Тунтев, г. Драган Данев, г. Агим Шаќири, г. Африм Гаши и г-ѓа Теута Биљали, како и генералниот секретар на Собранието, г-ѓа Цветанка Иванова, остварија средба со членовите на Работната група одговорна за односите на Европската унија со земјите од Западен Балкан, Република Албанија, Босна и Херцеговина, Република Македонија и Косово. 

Вторник, 16 октомври 2018 година

Средба на претседателот Џафери со членовите на Федерацијата за светски мир и љубов (FOWPAL)

Денес претседателот на Собранието на Република Македонија, г. Талат Џафери оствари средба со делегација на Федерацијата за светски мир и љубов (FOWPAL) предводена од проф. д-р Ши Хо Хонг. 

Петок, 12 октомври 2018 година 

Собраниска делегација на Интерпарламентарна конференција во Виена

Делегација на Собранието на Република Македонија, во состав: Хари Локвенец претседател на Комисијата за одбрана и безбедност; Ејуп Аљими, координатор на Пратеничката група на Демократската унија за интеграција и Горан Милевски, копретседавач со Мешовитиот парламентарен Комитет Република Македонија - Европска Унија, учествуваше на Интерпарламентарната конференција организирана од страна на Комисијата на заедничка надворешна и безбедносна политика и Комисијата на заедничката безбедносна политика на државите членки на ЕУ, што се одржа од 10 до 12 октомври 2018 година во Виена, Република Австрија.

Петок, 12 октомври 2018 година

Комисијата за финансирање и буџет ги усвои амандманите на Предлог-законот за отпишување на камати за наплата на долгови  

Со усвоениот амандман опфатот за отпишување на камати за наплата на долгови и за радиодифузната такса. Право на отпис на камата остварува секое физичко лице-должник кој ќе изврши уплата на главниот долг и трошоците, судски, нотарски и трошоци на извршување на постапка во рок од 12 месеци од донесување на одлуката.