Четврток, 24 ноември 2011 годинаПрв европски договор за борба против насилството над жените и домашното насилство
Во пресрет на 25 ноември - Меѓународниот ден за борба против насилството над жените, заменик-генералниот секретар на Советот на Европа, г-ѓа Мод де Боер-Букичио, ги повика владите да го потпишат и ратифицираат првиот европски договор за борба против насилството над жените и домашното насилство.
„Насилството над жените, во било кој облик, е ужасно кршење на човековите права. Тоа е брутален, често смртоносен одраз на нерамноправноста, која ја претрпеле премногу жени во нашите општества", изјави г-ѓа Мод де Боер-Букичио.
Оваа Конвенција на Советот на Европа претставува реален инструмент за промени на ова поле, бидејќи содржи мерки за спречување на насилството, заштита на жртвите и казнување на извршителите.