Pratenichki sostav
 
LEGJISLATURA E DEPUTETËVE


E premte, 21 tetor 2011

TAKIMI PËRSHËNDETËS I KRYETARIT VELJANOSKI ME AMBASADORIN E REPUBLIKËS SË AUSTRISË, Z. ALOJZ KRAUT

Bashkëbiseduesit u pajtuan se marrëdhëniet ndërmjet të dy vendeve janë të mira edhe në plan bilateral edhe në suazat e organizatave ndërkombëtare. Bashkëpunimi ekonomik ka bazë të mirë, posaçërisht për faktin që një bankë austriake tashmë është e pranishme në tregun e Maqedonisë dhe e njëjta me vete bartë impuls për investime plotësuese nga kompanitë austriake.

më shumë...



E martë, 18 tetor 2011, Bernë

KRYETARI VELJANOSKI U TAKUA ME EMIRIN E SHTETIT TË KATARIT, LARTMADHËRIA E TIJ HAMAD BIN KALIFA AL TANIN

Në fillim të takimit, kryetari Veljanoski shprehu bindje se kjo vizitë do të kontribuojë për avancimin e mëtutjeshëm të bashkëpunimit me Shtetin e Katarit dhe për shkëmbimin e mendimeve për të gjitha çështjet me interes të përbashkët në plan bilateral dhe multilateral. Ai shprehu kënaqësi për zhvillimin e marrëdhënieve bilaterale ndërmjet të dy vendeve, të cilat i karakterizon shkalla e lartë e miqësisë dhe mirëkuptimit, me ç'rast theksoi se ekziston potencial të madh për avancimin e mëtutjeshëm në të gjitha sferat me interes të përbashkët, veçanërisht në sferën e ekonomisë, me qëllim të realizohen projekte konkrete për investim në Republikën e Maqedonisë.

më shumë...



E enjte, 13 tetor 2011

TAKIMI I KRYETARIT VELJANOSKI ME GRUPIN PARLAMENTAR TË KUVENDIT POPULLOR TË KUVAJTIT PËR MIQËSI ME KUVENDIN E REPUBLIKËS SË MAQEDONISË

Kryetari i Kuvendit të Republikës së Maqedonisë, duke u dëshiruar mirëseardhje  mysafirëve  shprehu se të dy shtetet kultivojnë marrëdhënie miqësore dhe bashkëpunim, se ekzistojnë iniciativa për bashkëpunim në të gjitha sferat. Kryetari Veljanoski  theksoi se të dy shtetet duhet të punojnë për nxitje dhe të krijojnë mundësi për thellimin e bashkëpunimit ekonomik, si dhe bashkëpunim në nivel parlamentarë dhe në të gjitha sferat tjera me interes të ndërsjellë.

më shumë...



E Mërkur, 12 tetor 2011, Budimpeshte

TAKIMI I KRYETARIT TË KUVENDIT TË REPUBLIKËS SË MAQEDONISË, Z. TRAJKO VELJANOSKI ME KRYETARIN E KUVENDIT NACIONAL TË HUNGARISË, Z. LLASLLO KOVER

Në takimi ndërmjet kryetarit të Kuvendit të Republikës së Maqedonisë z. Trajko Veljanoski dhe kryetarit të Kuvendit Nacional të Hungarisë, z.Llasllo Kover u konfirmuan marrëdhënie të shkëlqyeshme bilaterale ndërmjet dy vendeve miqësore.  Bashkëpunimi intensivisht zhvillohet në të gjitha nivelet, për të cilat dëshmojnë takimet dhe vizitat e fundit të kryeministrit të Hungarisë Viktor Orban në Republikën e Maqedonisë. Në nivel parlamentar bashkëpunimi zhvillohet suksesshëm në nivel të komisioneve, grupeve parlamentare dhe në nivel më të lartë të kryetarit, ndërsa implementohet edhe Memorandumi për bashkëpunim parlamentar i nënshkruar para disa vitesh. 

më shumë...



E martë, 4 tetor 2011

TAKIMI PROTOKOLAR I KRYETARIT VELJANOSKI ME AMBASADORIN E SAPOEMËRUAR TË REPUBLIKËS SË HUNGARISË

Kryetari Veljanoski e përshëndeti faktin se nga Republika e Hungarisë vjen investuesi më i madh në vend, dhe u përpjek për bashkëpunim të mëtutjeshëm në sferën e ekonomisë. Bashkëbiseduesit shprehën besim se Republika e Maqedonisë më shpejti do të jetë pjesë e Bashkimit Evropian dhe me këtë do të jepet kontribut plotësues për stabilitetin dhe sigurinë rajonale. Nga ana e kryetarit Veljanoski, u theksua se Republika e Maqedonisë edhe pse nuk është anëtare e NATO-s, ajo i ndërmori të gjitha obligimet si anëtare e plotfuqishme. Kryetari Veljanoski i përshëndeti marrëdhëniet e mira ndërmjet të dyja parlamenteve, duke përkujtuar në memorandumin e nënshkruar për bashkëpunim ndërmjet të dyja parlamenteve gjatë vizitës zyrtare në vitin 2008.

më shumë...



E enjte, 29 shtator 2011

KRYETARI VELJANOSKI REALIZOI TAKIM ME KRYETARIN E QEVERISË SË REPUBLIKËS SË TURQISË, Z. REXHEP TAIP ERDOGAN

Në fillim të takimit kryetari Veljanoski shprehu kënaqësi për takimin dhe u përqendrua në marrëdhëniet tradicionale të mira dhe miqësore ndërmjet të dyja vendeve. Në këtë kuptim, ai shprehu falënderim për mbështetjen konsekuente dhe konstruktive të Turqisë dhe për solidaritetin me Maqedoninë në kornizat e integrimeve euroatlantike, e kryesisht për përdorimin parimor të emrit kushtetues të vendit tonë në marrëdhëniet bilaterale edhe në planin ndërkombëtar. 

më shumë...



E mërkurë, 28 shtator 2011

TAKIME PROTOKOLLARE TË KRYETARIT VELJANOSKI ME AMBASADORËT E SAPOEMËRUAR TË KANADASË DHE REPUBLIKËS SË AZERBEJXHANIT

Kryetari i Kuvendit të Republikës së Maqedonisë, z. Trajko Veljanoski, realizoi takim me ambasadorin e sapoemëruar inordinar dhe të autorizuar të Kanadasë, SH. E.  Roman Vashçuk, si dhe takim me ambasadorin e ri inordinar dhe të autorizuar të Republikës së Azerbejxhanit, SH.T. Faig Baghirov.

më shumë...



E hënë, 26 shtator 2011

TAKIMI I KRYETARIT TË KUVENDIT TË REPUBLIKES SË MAQEDONISË, Z. TRAJKO VELJANOSKI ME Z. ROBERT VALTER, REFERUES I KOMISIONIT PËR RESPEKTIMIN E OBLIGIMEVE DHE ANGAZHIMEVE TË VENDEVE-ANETARE TË KËSHILLIT TË EVROPËS (KOMISIONI MONITORUES)

Kryetari i Kuvendit të Republikës së Maqedonisë, z. Trajko Veljanoski, në fillim të takimit bëri një retrospektivë mbi arritjet dhe ngjarjet e deritanishme në Republikën e Maqedonisë në periudhën e kaluar. Ai veçanërisht përmendi zgjedhjet e parakohshme parlamentare të realizuara me sukses të cilat e vërtetuan kapacitetin demokratik të Republikës së Maqedonisë, dhe që u vlerësuan pozitivisht nga të gjitha palët.  Gjithashtu, në kontekst të angazhimeve tona të suksesshme, ai potencoi edhe kryesimin tonë të vjetshëm me Komitetin e Ministrave të Këshillit të Evropës. 

më shumë...



E martë, 20 shtator 2011

DEKLARATA E KRYETARIT VELJANOSKI ME RASTIN E NËNSHKRIMIT TË MEMORANDUMIT PËR BASHKËPUNIM

Me kënaqësi të madhe e vazhdojmë bashkëpunimin e deritanishëm trevjeçar me miqtë tanë britanik, Ambasadën Britanike në Shkup dhe Fondacionin Vestministër për demokraci. Edhe në vitet e ardhshme bashkërisht do ta përforcojmë kapacitetin e Kuvendit të Republikës së Maqedonisë, kapacitetin e përfaqësueses sonë, funksionit legjislativ dhe mbikëqyrës. 

më shumë...



E hënë, 19 shtator 2011

TAKIMI I KRYETARIT VELJANOSKI ME ANËTARIN E PARLAMENTIT EVROPIAN DHE RAPORTUESIN PËR REPUBLIKËN E MAQEDONISË, Z RIÇARD HOVIT

Në fillim të takimit, Kryetari i Kuvendit të Republikës së Maqedonisë, z.Trajko Veljanoski, bëri prapavështrim të shkurtër mbi ngjarjet dhe arritjet e Kuvendit të Republikës së Maqedonisë në periudhën e kaluar. Ai fillimisht i theksoi arritjet pozitive të Kuvendit në dy vitet e kaluara të cilët i sollën vlerësim pozitiv Kuvendit në Raportin për progresion e Republikës së Maqedonisë, të cilët dhanë ndihmesë edhe për vlerësimet e përgjithshme pozitive për Republikën e Maqedonisë.

më shumë...