Четврток, 18 октомври 2012 годинаЕсенски состанок на Европскиот советЕкономијата и монетарната политика ќе бидат во фокусот на традиционалниот есенски состанок на Европскиот совет, кој ќе се одржи денеска и утре во Брисел.
Европските челници ќе го разгледаат привремениот извештај за зајакнување на Економската и монетарна унија предвиден во заклучоците од јунскиот состанок на Европскиот совет, кој веќе им е доставен од страна на претседателот на Европскиот совет, г. Херман ван Ромпуј.
Шефовите на држави или влади ќе дискутираат за можностите за развој и отворање нови работни места, како и за предлогот за единствен европски механизам за банкарски надзор.
Предвидена е и отворена размена на мислења во врска со односите со стратешките партнери, а ќе стане збор и за други прашања, како состојбите во Сирија, Иран и Мали.