Вторник, 25 септември 2012 година
Седница на Генералното собрание на ОН
„Регулирање или решавање на меѓународните спорови или состојби по мирен пат“ ќе биде темата на 67. седница на Генералното собрание на Обединетите нации, која ќе се одржува од денеска до 1 октомври во Њујорк. Се очекува присуство на повеќе од 100 шефови на држави или влади.
Како што истакна генералниот секретар на ОН, г. Бан Ки Мун, во фокусот на расправата ќе биде влошувањето на состојбата во Сирија. Меѓу прашањата од глобално значење, на агендата ќе се најдат и немирите на муслиманите поради навредливиот американски филм, како и иранската нуклеарна програма.
На маргините на Генералното собрание ќе се одржат и неколку средби посветени на насилството над жените, здравството, развојот, состојбите во Мјанмар и Јемен, како и посебни состаноци за Сирија и Иран.