Вторник, 30 април 2013 година
Отворени денови на Европарламентот
Овогодинешниот фестивал на Европа ќе се одржи на 4 мај во Брисел и Луксембург, како и на 19 мај во Стразбур. По тој повод, за време на овие денови, своите врати ќе ги отворат Европскиот парламент и другите европски институции.
Во Брисел ќе се одржат низа настани со културен, уметнички и забавен карактер, дебати со членови на Европарламентот, како и активности за помладите посетители.
На овој отворен ден, во Луксембург, пак, ќе се претстават музички и народни традиции од различни земји од Европската унија.
На 19 мај, во Стразбур, покрај празничните активности и емисии, во текот на денот сите заинтересирани ќе имаат можност да им постават прашања на европратениците и да остварат средби со претставници на европските институции.
Инаку, самата 2013 година, е прогласена за „Европска година на граѓаните", со цел да се подигне свеста на европските граѓани за нивните права.