Петок, 16 октомври 2015 година, Будимпешта, Унгарија

Обраќање на претседателот Вељаноски на 7. Конференција на претседатели на Парламенти на земјите од Западен Балкан, на тема: „Актуелни безбедносни предизвици во Југоисточна Европа - можни решенија“

Актуелните состојби на глобално ниво, организираниот криминал, тероризмот, сеуште присутните идеи за големи национални држави, ирационални блокади како што беше онаа неодамнешната помеѓу Република Хрватска и Република Србија, а за блокадата на мојата држава од нашиот јужен сосед која трае 24 години не треба потворно да потсетувам, сето ова според мене се најголемите безбедносни предизвици со кои се соочуваме во регионот, но и пошироко.

Петок, 16 октомври 2015 година, Будимпешта, Унгарија

Обраќање на претседателот Вељаноски на 7. Конференција на претседатели на Парламенти на земјите од Западен Балкан, на тема: „Југоисточна Европа на патот кон ЕУ“

На самиот почеток сакам да изразам благодарност до нашиот домаќин, господинот Ласло Ковер, претседател на Националното собрание на Унгарија, за оваа наша повторна средба тука во Будимпешта. Истовремено, сакам да ја истакнам принципиелната политика и поддршка која Унгарија ја спроведува и ја дава кога станува збор за наше целосно интегрирање во Европската Унија и НАТО. 

Сабота, 10 октомври 2015 година

Обраќање на претседателот Вељаноски по повод државниот празник 11 Октомври

Одбележувајќи го утрешниот ден, го исполнуваме вековниот цивилизациски аманет да ги славиме делата и успесите.
Да ги одбележуваме настаните на нацијата!
Да си спомнуваме на нашите сограѓани, борците на Македонија!
Да ги славиме битките и триумфите.
Да се навраќаме на жртвите и на херојствата.
Да простиме, но и да се сеќаваме.

Петок, 25 септември 2015 година

Обраќање на претседателот Вељаноски по повод одбележување на 70 годишнината од формирањето на АМСМ

Точно пред седумдесет години во далечната 1945 година формиран е Автомото сојузот на Македонија или како што сме се навикнале кај нас АМСМ. Во овие седумдесет години Автомото сојузот постојано се надоградуваше и направени се повеќе структурни промени кои ги налагаше општиот развој и новонастанатите потреби. Но, сите овие години како константа останува дека АМСМ е наш и секогаш е тука да ни помогне.

Понеделник, 7 септември 2015 година

Обраќање на претседателот Вељаноски по повод 8 Септември - Денот на независноста

Пред дваесет и четири години граѓаните на Македонија на референдум се изјаснија за своја самостојна држава. Референдумот од 8 септември 1991 година е нашата најголема современа победа, а изразената волја на граѓаните претставува заокружување на стремежите, принципите и сонувањата на генерациите од двата Илиндена.

Понеделник, 31 август 2015 година

Обраќање на претседателот Вељаноски по повод одбележувањето на соработката меѓу Собранието и Вестминстер фондацијата за демократија 

Пред 4 години, во оваа зграда, имав задоволство, како претседател на македонскиот законодавен дом, заедно со британскиот амбасадор, да го потпишам меморандумот за продолжување на соработката со Вестминстер фондацијата за демократија.

Вторник, 25 август 2015 година

Обраќање на претседателот Вељаноски на Амбасадорскиот совет во Министерството за надворешни работи

Денеска, во рамките на редовниот годишен Амбасадорски совет – Работен состанок со шефовите на дипломатско-конзуларните претставништва на Република Македонија, што се одржува во Министерството за надворешни работи, свое обраќање имаше претседателот на Собранието на Република Македонија, г. Трајко Вељаноски.

Недела, 2 август 2015 година, Пелинце

Обраќање на претседателот Вељаноски по повод 2 Август - Илинден, Ден на Републиката

Со секој следен народен собир на Илинден затвораме една испишана страница од нашата македонска историја.
Со секој следен собир го отвораме и новото македонско историско поглавје кое потоа го пополнуваме со живи спомени до следната народна илинденска прослава.

Понеделник, 6 јули 2015 година

Претседателот Вељаноски го отвори 54. Балкански фестивал на народни песни и игри

Оваа наша фолклорна манифестација како најстара на Балканот, многу успешно ги претставува и афирмира културното наследство и достигнувањата на земјите и народите од каде што доаѓаат учесници во изминатите 54 години. Навистина звучи импозантно тоа што на овој фестивал досега учествувале над педесет илјади пејачи, играорци и инстументалисти и тоа од сите континенти.

Сабота, 23 мај 2015 година, Тирана

Обраќање на претседателот Вељаноски на втората Пленарна сесија на Парламентарното собрание на Процесот за соработка во Југоисточна Европа

Во име на Собранието на Република Македонија и во мое лично име, би сакал да изразам благодарност до Собранието на Република Албанија и претседателот, г.Илир Мета, за успешниот парламентарен придонес на Процесот за соработка во Југоисточна Европа, а особено за одличната организиција на оваа Пленарна сесија на Парламентарното собрание.